E longi disongele vo ludika yo singika, kansi dilenda kala mpe se tumbu. Yave okutuvananga e longi kimana twansambila muna mpila ina ketondanga. (Roma 12:1; Ayib. 12:10, 11) Ezak’e ntangwa dilenda kala diampasi mu tambulwila e longi, kansi o vanga wo nsambu zayingi ditwasanga. (Nga. 10:7) Nkia diambu bafwete sungamena awana bevananga e longi ye awana betambulanga e longi?

Awana bevananga e longi. Akuluntu, mase ye mpangi zankaka, bevanganga e ngolo za vanina e longi kuna zola ye ngemba nze una Yave kevanganga. (Yer. 46:28) Kana nkutu vo muntu kafwete vewa tumbu kiangolo, kifwete vaninua kuna zola.—Tito 1:13.

Awana betambulanga e longi. Kana nkutu nkia mpila longi tuveno, tufwete sia ngolo muna tambulwila dio vana vau. (Nga. 3:11, 12) Wau vo tu wantu alembi lunga, yeto awonso longi tuvuidi e mfunu edi dilenda vaninua mu mpila zayingi. Tulenda vewa e longi muna mana tutanganga muna Bibila yovo mana tuwanga muna tukutakanu. Ezak’e ntangwa akaka balenda vua longi dia buka kia afundisi o mfunu. Avo tutambulwidi e longi yo sadila dio, tukala ye kiese owau yo vua moyo a mvu ya mvu kuna ntwala.—Nga. 10:17.

TALA E VIDEO, “YAVE OLONGANGA ANA KEZOLANGA,” I BOSI, VANA E MVUTU ZA YUVU ILENDE:

• Aweyi e zingu kia mpangi Canon kiayantikila? Aweyi kiasobela?

• Nkia lusadisu katambula kimana kavutuka kwa Yave?

• E nona kiandi adieyi kitulongele?