Muna yangidika Nzambi, alongoki a Bibila bafwete kumika lukwikilu lwau. (Ayib. 11:6) Tulenda simba e ntima miau muna sadila o nkanda, Zinga ye Kiese Yakwele Mvu! O nkanda wau walongokela yo wantu, una ye sono yasina, malongi, yuvu, video ye mafoto mambote. Vava tusadisanga alongoki a Bibila bayima e fu ya Kikristu yo kumika e ngwizani au yo Nzambi, tutungilanga muna lekwa ilembi zeloka vana tiya.—1 Kor. 3:12-15.

Wantu ayingi beyindulanga vo diampasi mu vanga e kikundi yo Nzambi wau vo ke balendi kumona ko. Muna diadi, tufwete kubasadisa batoma zaya Yave yo kumbunda e vuvu.

TALA E VIDEO, SADILA O NKANDA “ZINGA YE KIESE YAKWELE MVU!” MUNA KUMIKA LUKWIKILU MUNA YAVE. I BOSI, VANA E MVUTU ZA YUVU ILENDE:

• Aweyi tuzayidi wo vo mpangi ankento otomene kubama mu fila e longi?

• Aweyi kasadidi yuvu mu sadisa nlongoki kasonga e ngindu zandi yo yika o nyindu una muna Yesaya 41:10, 13?

• Aweyi e video ye sono ya Bibila isadisidi o nlongoki?

Wantu ayingi ke bebakulanga ko oma ma lukûlu ngatu bakula vo luna se lukau luna Nzambi kabavana. (Ngal. 2:20) Muna kuma kiaki, tufwete kubasadisa bakumika o lukwikilu lwau muna kimenga kia lukûlu kia Yesu.

TALA E VIDEO, SADILA O NKANDA “ZINGA YE KIESE YAKWELE MVU!” MUNA KUMIKA LUKWIKILU MUNA YESU. I BOSI, VANA E MVUTU ZA YUVU ILENDE:

• Aweyi tuzayidi wo vo mpangi ayakala katoma kubama muna fila e longi?

• Aweyi kasadidi e kunku “Tala mpe oma Malende” muna sadisa o nlongoki?

• Ekuma dinina diamfunu mu samba muna wete dia nlongoki?