Ekolo e mbaninu a nza yayi ifinamanga, e mvuanga, umpumbulu ye vita zilenda wokela. (Lus. 6:4) Aweyi tulenda kubamena mu kuma kia mambu mampasi malenda bwa kuna ntwala?

• Kubama muna mwanda: Vava zaya e nkanikinu ye tusansu twa Bibila tulenda kumika e vuvu kiaku muna Yave ye nkubik’andi. Ediadi dikusadisa mu lembi kuyisia mu mambu ma mbumba. (Nga. 12:5; Jeremias luk. 125-126 tini kia 23-24) Eyayi i ntangwa tufwete siamisa e kikundi ye mpangi zeto muna nkutakani.—1 Pet. 4:7, 8

• Kubama muna nitu: Nusikidisa dina nulenda vanga avo vabwidi diambu dikunukakidila mu vaika mu nzo. Nukubika mpe madia mafwana. Vana ntandu, nuwizana dina nulenda vanga avo divava vo nuasisa e nzo eno. Nufimpa e lekwa ina muna nkutu ya lekwa nulenda sadila avo vabwidi diambu dia kinsalukisa. Nulenda mo tula mpe luva, máscara ye nzimbu. Zaya una olenda mokenena ye akuluntu yo vava zaya mpe kana vo bena ye número aku.—Yes. 32:2; Despertai! ya Mayu 2017 luk. 3-7

Muna kolo kia mvuanga, tatidila e nkubika zaku za mwanda. (Fili. 1:10) Venga e fu kia kwenda oku yo kuna, nanga vo mfunu divuilu. (Mat. 10:16) Kayila mpangi zaku o madia ye lekwa yankaka ina bevua o mfunu.—Roma 12:13.

TALA E VIDEO, AWEYI TULENDA KUBAMENA MU KUMA KIA SUMBULA? I BOSI, VANA E MVUTU ZA YUVU ILENDE:

• Aweyi o Yave kalenda kutusadisila muna ntangw’a sumbula?

• Adieyi tulenda vanga mu kubama?

• Aweyi tulenda sadisila ampangi ana babwidilu e sumbula?