Muna salu kiandi kia umbangi, Yesu wasadila mambu mavangamanga muna longa diambu diamfunu. (Luka 13:1-5) Ongeye mpe olenda sadila mambu mevangamanga muna zunga kiaku mu tunta e sungididi kia wantu muna nsangu za Kintinu. Kasikil’owu, olenda yika oma ma mpasi za zingu nze, sumbula, mvuanga, mfomo zangolo yovo mambu mankaka, i bosi olenda vanga e kiuvu kilenda tunta e sungididi kia muntu nze: “Nga obenze vo tusinga mona e mfoko a diambu diadi?” yovo “Muna ngindu zaku, nani olenda fokola e diambu diadi?” I bosi, songa e sono kia Bibila kina e ngwizani ye diambu nuna vovela. Avo muntu osongele luzolo lwambote, unsonga e video yovo nkanda una muna Salanganu Yeto ya Longela. Ekolo tuvanganga e ngolo za simba e ntima mia wantu muna zunga kieto, yambula twavanga “mawonso mu kuma kia nsangu zambote.”—1 Kor. 9:22, 23.

Nkia diambu dilenda tunta e sungididi kia wantu muna zunga kieno?