Nki i audio za Bibila? E audio za Bibila i mvovo miabandulwa mia Nsekola ya Nz’ampa yafimpululwa. Malembe-malembe zivaikiswanga muna internete mu ndinga zayingi. Dimosi muna mambu metomesanga e audio za Bibila, i dia sia vo, mpangi zaswaswana basadila muna bandula e mvovo mia wantu beyikwanga muna Bibila. Muna samuna e nsangu za Bibila ye ziku kiawonso, e mvovo mitangilwanga mu mpila yambote ye yankuma.

Nkia nluta bevuanga awana bewanga e audio za Bibila? Ndonga muna awana bewanga e Audio za Bibila, beyangalelanga una audio zazi zivaninanga o nkuma muna Diambu dia Nzambi. Bemonanga vo o wá ndinga zaswaswana za wantu beyikwanga muna Bibila, dikubasadisanga mu toma yindula o tusansu twatu yo kuyisia vana fulu kia wantu beyikwanga mo yo bakula mana masonama. (Nga. 4:5) Ayingi bemonanga mpe vo owinikina e audio za Bibila dikubasadisanga mu vuvika e ngindu vava bekalanga ye ntokani.—Nku. 94:19.

O wá e ntangilu a Bibila mu nding’a ngolo dilenda vanga diambu muna zingu kieto. (2 Tus. 34:19-21) Avo e audio za Bibila zina muna nding’aku, kiakala vo ndambu yovo za Bibila kiamvimba, nga ke diambote ko wakitula kio se fu kiaku kia wanga e audio zazi?

TALA E VIDEO, SALU KIA BANDULA E AUDIO ZA BIBILA—FINDAMBU KAKA, I BOSI VANA E MVUTU ZA KIUVU KILENDE:

Nki kikusivikisanga muna mpila ina e audio za Bibila zibandulwilwanga?