ZINGU KIA KIKRISTU
Nga Wakubama Wina mu Kuma kia Mpasi za Kondwa Nzimbu?
Ke tusivikanga ko vava wantu mu nza yawonso benuananga ye mpasi za kondwa e nzimbu. Ekuma? E kuma kadi ku mfoko a lumbu yambaninu tuzingilanga. E Bibila kikutulukisanga twalembi sia e vuvu muna “kimvuama eki kilenda vila.” (1 Tim. 6:17; 2 Tim. 3:1) E nona kia Yosafate adieyi kilenda kutulonga muna diambu ditadidi kubama mu kuma kia mpasi za kondwa e nzimbu?
Vava kavumiswa kwa mbeni zandi, Yosafate wavava lusadisu lwa Yave. (2 Tus. 20:9-12) Wavanga mpe mambu muna kubika o nkangu, i sia vo, tunga mbanza zangolo yo sia makesa muna nsi. (2 Tus. 17:1, 2, 12, 13) Nze Yosafate, diambote twabunda e vuvu kwa Yave yo kubama mu kuma kia mpasi zilenda kutubwila.
TALA E VIDEO, AWEYI TULENDA KUBAMENA MU KUMA KIA SUMBULA? I BOSI, VANA E MVUTU ZA YUVU ILENDE:
-
Aweyi tulenda kubamena mu kuma kia sumbula?
-
Aweyi tulenda kubamena mu sadisa akaka?
