O ntaudi a kwikizi yo lulungalalu okutuvananga madia “muna ntangwa ifwene,” muna songa vo Yave ona ofilanga e ntaudi yayi, ozeye mana tuvuidi o mfunu muna kimwanda. (Mat 24:45) O tukutakanu tweto twa mvivu ye twa kati kwa lumingu tusonganga e ziku kia diambu diadi.

TALA E VIDEO, NSANGU ZA BUKA KIA ALONGI ZA MVU WA 2017, I BOSI VANA E MVUTU ZA YUVU ILENDE:

• Nani ofwete tambula o nkembo mu kuma kia tukutakanu tweto twa mvivu, ekuma?

• Nkia ntangwa kiyantikanga e salu kia kubika lukutakanu lwa mvivu?

• Aweyi e ntu mia mambu mia lukutakanu lwa mvivu misolelwanga?

• Nkia mambu mevavuanga muna kubika tukutakanu twa mvivu?

• Aweyi e ndekwa zilongwanga muna Sikola ya Ngiladi zisadilwanga mu soneka mambu tulongokanga muna lukutakanu lwa kati kwa lumingu?

• Aweyi e departamento zayingi zisadilanga kumosi muna kubika o nkand’a malongi?

Aweyi omonanga mu kuma kia madia ma mwanda kekutuvananga o Yave?