EKUMA DININA O MFUNU: O sila umbangi muna telefone i mpila mosi yambote ya ‘samunuina e nsangu zambote. (Mav. 20:24) * Ikutuvananga e lau dia sila umbangi kwa muntu ona ke tulendi kingula ko kuna nzo andi. Muna sadila e telefone, tulenda samuna e nsangu zambote kana nkutu vava dikalanga diampasi mu kwenda mu salu kia nzo ke nzo mu kuma kia vimpi yovo mu kuma kia nkakalakani zankaka.

UNA TULENDA WO VANGILA:

• Toma Kubama. Sola diambu dina wantu betoma yangalelanga. Yindula dina ozolele vova i bosi soneka dio muna papela. Olenda mpe kubika mambu mu mvovo miankufi mu sasila e kani obokelele, avo muntu katambulwidi ko, unsisila mambu mama muna mensagem. Dilenda kala diambote avo okedi vana meza yo tula vo e salanganu yawonso ovua o mfunu nze telefone yovo tablete yo ziula aplicativo JW Library^® yovo jw.org^®

• Kala wavuvama. Vovela una ovelanga. Sevanga yo vanga e sinsu nze ngeye omonanga muntu omokenanga yandi. Kuvundinge mu nkantu nkatu ko. O sala kumosi ye akaka dikusadisa mu kala wavuvama. Avo muntu ovangidi e kiuvu, vutukila kio mu ndinga yawakana kimana ndiona osalanga yaku kasadisa mu solola e mvutu

• Sisa e diambu nuvovela vava okumbokela diaka. Avo muntu osongele luzolo lwambote, olenda vanga kiuvu ovanina e mvutu vava okumbokela diaka. Olenda mpe sia o nsilu wa kumvana o nkanda yovo kuntwikila wo. Olenda yuvula mpe muntu kana vo olenda kuntwikila longi dimosi yovo video. Mun’owu wa moko nukala kiau, olenda vovesa kwa muntu oma ma Longi dia Bibila Muna Internete yovo mambu makaka mena muna nzil’eto