Wau vo e mpasi zayingi zifinamene, e salu kieto kia umbangi kifwete salwa mu nzaki. (Nga 24:11, 12, 20) Muna sadisa wantu, tulenda sadila kaladi kia jw.org muna fila e sungididi kiau muna Diambu dia Nzambi ye muna nzil’eto muna Internete. Muna kalati muna ye código ilenda fila muntu muna video, Ekuma Ofwete Longokela e Bibila? muna mpe ye mboka ikasakesanga wantu bazaya diaka mayingi yovo lomba longi dia Nkand’a Nzambi. Wantu akaka ke bezolanga tambula nkanda mieto ko kansi bezolanga ziula e nzil’eto muna Internete. Muna kuma kiaki, kukadi yo lukatikisu ko lwa kubavana e kalati kiaki. Kansi kusisi kalati ko kwa awana ke besonganga luzolo lwambote ko.

Ekolo ovanganga e salu yaku ya lumbu ke lumbu, olenda vovesa kwa muntu osongele luzolo lwambote vo: “Lekwa nzolele kuvana. E kalati kiaki kikufila muna nzil’eto muna Internete. Muna nzila yayi owana mo mambu mayingi ye video za mpila mu mpila.” (Yoa 4:7) Wau vo e kalati kiaki kiakete, olenda nata yaka kalati yo sadila konso lau mu vana yo kwa wantu.