Yesu wasamuna “e nsangu zambote za Kintinu kia Nzambi.” (Luka 4:43) Walonga mpe o wantu una bafwete sambila kimana e Kintinu kiaki kiza. (Mat. 6:9, 10) Muna ngonde ya Novemba tuvanga e ngolo muna samuna e Kintinu kia Nzambi. (Mat. 24:14) Vanga e nkubika kimana wayikama e salu kiaki una ufwene. Awonso besala se aviti a nzila ansadisi muna ngonde ya Novemba, balenda sala ola 30 yovo 50.

Vanga e ngolo kimana watangila e sono kivovelanga e Kintinu kia Nzambi kwa wantu ayingi muna zunga kiaku. Vava osola e sono, sungamena mana wantu bekwikilanga. Avo muntu osongele luzolo lwambote, umvana Eyingidilu No. 2 dia 2020. I bosi vutuka kingula muntu vana vau yo yantika longoka yandi e Bibila muna sadila umosi muna nkanda mina muna Salanganu Yeto ya Longela. Kolo kiakete kaka kisidi, e Kintinu kia Nzambi kikosomona yo sukisa yintinu yawonso itelamenanga e Kintinu kiaki. (Dan. 2:44; 1 Kor. 15:24, 25) Muna kuma kiaki, vanga mawonso mu sadila e lau diadi diampwene muna songa e kwikizi kiaku muna Yave ye Kintinu kiandi!