E Mbangi za Yave bavuidi lau diampwena. Wau vo tu Akristu akiyekola yo vubwa, tulenda kala se akundi a Nzambi. Avo tuvangidi e ngolo, e ngwizani eto yo Yave wa Mfumu eto ilenda kumama. Nzambi watutunta kwa yandi muna nzil’a Mwan’andi. (Yoa. 6:44) Owanga mpe e sambu yeto.—Nku. 34:15.

Aweyi tulenda tatidila e ngwizani eto yo Nzambi? Tufwete keba twalembi vanga mambu mambi nze mana Aneyisaele bavanga. Yave wakanga yau e kangu diabavana elau dia kala ye ngwizani ambote yo yandi. Kansi kuna kwalanda, bavanga e teke kia wolo yo sambila kio. (Luv. 32:7, 8; 1 Kor. 10:7, 11, 14) Tulenda kukiyuvula: ‘Adieyi ivanganga vava iwanananga ye ntonta? Nga mavangu mame mesonganga vo itatidilanga e ngwizani ame yo Yave?’ O zola kwakieleka muna Se dieto dia zulu, kukutusadisa mu menga mana kemenganga.—Nku. 97:10.

TALA E VIDEO, TATIDILA E NGWIZANI AKU YO YAVE (KOL. 3:5), I BOSI VANA E MVUTU ZA YUVU YILENDE:

• Nki i loko?

• Ekuma tufwete vengela e loko ye nsambil’a teke?

• Aweyi e zumba ye nsambil’a teke inina e ngwizani?

• Ekuma awana bena ye mbebe muna nkubik’a Yave bafwete toma silanga e sungididi muna nsatu za akazi au?