EKUMA DININ’O MFUNU: O tukutakanu tukutuvananga e lau dia ‘yimbidila Yave’ yo ‘kunkembelela.’ (Nku 149:1) Muna tukutakanu, tulongwanga una tulenda vangila luzolo lwa Nzambi. (Nku 143:10) Awana besonganga luzolo lwambote ye alongoki a Nkand’a Nzambi benungunukanga vava beyantikanga lungana muna tukutakanu.

UNA TULENDA WO VANGILA:

• Bokelanga alongoki vana vau. Kufwete vingila ko yavana longi dia Nkand’a Nzambi disikidiswa.—Lus 22:17

• Sasila kwa muntu osongele luzolo lwambote mana mevangamanga muna tukutakanu ye mana melongokwa. O sadila mambu malende dilenda kunsadisa: Mboka ya tukutakanu, video, Nkia Mambu Mevangamanga Muna Seka dia Kintinu? ye longi dia 5 ye dia 7 dia finkanda Luzolo lwa Yave.

• Vana lusadisu. Nga o muntu osongele luzolo lwambote lusadisu kavuidi o mfunu mu kwenda kuna Seka dia Kintinu yovo mpila mvuatu kafwete vuata? Vuanda yandi yo sadila kumosi e nkanda miaku. Unsunzula kwa ampangi.