SILA UMBANGI UNA UFWENE | WOKESA E KIESE KIAKU MUNA SALU KIA UMBANGI
Tambulwilanga Lusadisu lwa Mpangi Zeto
Muna kutusadisa, Yave osadilanga e ‘mpangi zeto.’ (1 Pet. 5:9) Balenda kutusadisa mu sunda e nkakalakani tulenda wanana zau muna salu kia umbangi. Kasikil’owu, Paulu wa ntumwa wabaka e nluta muna lusadisu katambula kwa Akila, Peresekila, Sila, Timoteo ye akaka mpe.—Mav. 18:1-5.
Aweyi mpangi zeto balenda kusadisila muna salu kia umbangi? Balenda kusonga una olenda vanina e mvutu kwa muntu uzengele e mvovo, una olenda vutukila kingula o muntu yovo una olenda fidila e longi dia Bibila. Yindula mpangi muna nkutakani aku ona olenda kuvana lusadisu ovuidi o mfunu, i bosi unlomba lo. Kalukatikisu ko vo yeno awole nluta nubaka. Avo ovangidi wo, e kiese kieno kiwokela.—Fili. 1:25.
TALA E VIDEO, KALANGA YE KIESE MUNA SALU KIA KITULA WANTU SE ALONGOKI—TAMBULWILANGA LUSADISU LWA YAVE—MPANGI ZETO. I BOSI, VANA E MVUTU ZA YUVU ILENDE:
-
Adieyi Anita kavangidi muna kasakesa Petala kalungananga muna tukutakanu?
-
Ekuma tufwete bokelelanga ateleki akaka vava tufilanga e longi dia Bibila?
-
Awonso muna nkutakani balenda sadisa mu kitula o muntu se nlongoki
Nkia diambu dimosi Petala yo mpangi Abigail bayangalelanga?
-
Adieyi olenda longoka vava osalanga kumosi ye ateleki akaka muna salu kia umbangi?
