SILA UMBANGI UNA UFWENE | WOKESA E KIESE KIAKU MUNA SALU KIA UMBANGI
Sadilanga e Salanganu ya Vavulwila
Yave okutuvananga e salanganu muna toma longa akaka nze video, tratado, Eyingidilu ye Sikama!, yinkanda-nkanda, nkanda ye Bibila kina vo i salanganu kieto kiantete. (2 Tim. 3:16) Okutuvananga mpe salanganu ya vavulwila muna kutusadisa twatoma sasila e Bibila. Yankaka muna salanganu yayi i Watchtower Library, JW Library®, Biblioteca da Torre de Vigia, LUNDILU DIA NKANDA™ yo Nkanda wa Vavulwila wa Mbangi za Yave.
E kiese kiaku kiwokela kikilu avo osadidi e salanganu yawonso ina mu nding’aku muna toma vavulula e mambu meyikwanga muna Bibila. Vanga mawonso muna sadisa alongoki aku bazaya una balenda sadila e salanganu yayi. Kuna kulanda, yau kibeni bekala bakubama mu solola e mvutu za yuvu bekukiyuvulanga mu kuma kia Bibila. Muna mpila yayi, oyau mpe bekala ye kiese.
TALA E VIDEO, KALANGA YE KIESE MUNA SALU KIA KITULA WANTU SE ALONGOKI—TAMBULWILANGA LUSADISU LWA YAVE—SADILANGA E SALANGANU YA VAVULWILA, I BOSI VANA E MVUTU ZA YUVU ILENDE:
-
Adieyi Petala kayindulanga mu kuma kia nsema?
-
Akweyi Anita kasololwele mvutu za kiuvu kayuvuilu kwa Petala?
-
O solola mambu mamfunu mena muna Bibila yo mokenena mo ye akaka kiese dikututwasilanga
Nkia mambu mamfunu Anita kasolele muna sadisa Petala?
-
O sadila e salanganu yeto ya vavulwila aweyi disadisidi Anita?
