Muna ngonde ya Novemba, tusala e salu kia vaika mu buka muna samuna e nsangu zambote vo e nz’ampa ifinamene. (Nku. 37:10, 11; Lus. 21:3-5) Vanga e nkubika kimana wayikama e salu kiaki una ufwene. Avo olombele ndomba ya salu kia kimviti a nzila ansadisi, olenda sola ola 30 yovo 50.

Kala ye kani dia tangila o wantu ayingi sono kivovelanga e nz’ampa avo dilendakana. Vava osola e sono, yindula mambu malenda tunta e sungididi kia wantu muna zunga kiaku. Avo muntu osongele luzolo lwambote, umvana Eyingidilu No. 2 dia 2021. I bosi, vutuka kingula muntu vana vau yo yantika longoka yandi e Bibila muna sadila e finkanda Zinga ye Kiese Yakwele Mvu! Ekwe kiese tukala kiau kia kuyivana mu samuna e “nsangu zambote za diambu diambote”!—Yes. 52:7.

TALA E VIDEO YA NKUNGA, NZ’AMPA TUVINGILANGA. I BOSI, VANA E MVUTU ZA YUVU ILENDE:

• Nkia mambu mevangama kuna sentu keyindulanga e dumbelele kimosi?

• Nkia nsambu tuvua muna nz’ampa olakukilanga o moyo?

• O yindula e vuvu kiaku, aweyi dilenda kusadisila mu toma kubama muna kuyivana una ufwene muna salu kisalwa muna ngonde ya Novemba?—Luka 6:45.