Vava yakala yo nkento bekalanga yo longo lwasikila, bekembelelanga Yave yo kala ye kiese. (Maku 10:9) Muna kala yo longo lwasikila ye lwakiese, o Nkristu kafwete sadila nkanikinu mia Bibila vava kesolanga muntu ona kekazala yandi.

Ke diangangu ko mu banda e kimakangu ‘vitila wakola’ muna ntangwa ina vo e nsatu za vukana ziwokelanga. (1 Kor. 7:36) Toma sadila e mvu miaku mia kimpumpa muna kumika e ngwizani aku yo Nzambi yo yima e fu ya Kikristu. Avo ovangidi wo, okala yo longo lwasikila vava osompa.

Vitila watambulwila sompana yo muntu, vaula ntangwa yafwana muna toma zaya e ‘kiwuntu kiandi kiaswekama kia ntima.’ (1 Pet. 3:4) Avo lukatikisu una lwau, mokena yo muntu ona ozolele sompana yandi yo toma kiesesa e diambu. Nze dina divangamanga muna yikundi yankaka, muna longo ofwete kala ye tima dia vana ke mu tambula kaka ko. (Fili. 2:3, 4) Avo osadidi e nkanikinu mia Bibila vitila wasompa, okuba nkubilwa yambote muna kala yo longo lwakiese.

TALA E VIDEO, AVO OZOLELE KAZALA—KUNKU KIA 3: ‘VUANDA YO BADIKA E NTALU.’ I BOSI, VANA E MVUTU ZA YUVU ILENDE:

• Aweyi e kimakangu kia mpangi ankento yo mpangi Shane kianungunukinanga?

• Ekolo e kimakangu kiau kianungunukanga, nkia diambu kabakula o mpangi ankento?

• Adieyi mase mandi bavanga muna kunsadisa? Nkia nzengo zambote kabaka?