E Diambu dia Nzambi dikutuvananga mawonso tuvuidi o mfunu muna zizidila e mpasi mu lumbu yayi yambaninu. (2 Tim. 3:1, 16, 17) Kana una vo i wau, ezak’e ntangwa lusadisu tuvuanga o mfunu mu solola nkanikinu mia Bibila tulenda sadila mu diambu diasikididi. Kasikil’owu, nga u se yovo ngudi, ona ovavanga luludiku lwa una olenda sansila o wan’aku? Nga u nleke onuananga ye ntonta za lukwikilu? Nga onuananga ye ntantu za fwilwa yakala yovo nkento? Olenda solola malongi muna jw.org malenda kusadisa mu solola e nkanikinu miasikididi mia Bibila mivovelanga e diambu onuananga diau ye mambu mankaka.—Nga. 2:3-6.

Bosa vana vasonama MALONGI MA BIBILA. (Tala e fwaniswa kia 1.) I bosi, sola o ntu a diambu ozolele. Yovo bosa vana vasonama LUNDILU > MALONGI MEVAYIKISWANGA MU KUNKU yo sola o ntu a diambu ozolele. (Tala e fwaniswa kia 2.) Olenda mpe solola e mambu mama muna aplicativo JW Library^®. * Olenda vavulula e malongi mama vana fulu iyikilu ova ntandu. E diambu diankaka olenda vanga i vavulula e diambu diasikididi muna jw.org vana fulu kia vavulwila.

Soneka e mambu malende vana fulu kia vavulwila, i bosi soneka e malongi mana ozolele tanga.

• Sansa wana

• Aleke ana benuananga ye lukendalalu lwasaka

• Lufwa lwa yakala yovo nkento