Yindula vo kuna Ngalili ozingilanga muna lumbu ya Yesu. Ovangidi e nkangalu mu kwenda kuna Yerusaleme muna Nkungi a Saba. E mbanza yazala ye akwaku asambidi ana batukidi mu fulu yandá. Ozolele tambika lukau kwa Yave. Onete nkombo yo yantika diata muna bala-bala yazala yo wantu ekolo okwendanga kuna tempelo. Vava olweke, owene tempelo yazala yo wantu ana bazolele tambika tukau twau. I bosi e ntangw’aku ya tambika e nkombo kwa nganga ifwene. Vana vau osungamene vo mpangi aku, nanga una vana fulu kia ndonga yovo muna mbanza, diambu nwabakanene. Yesu wayika dina ofwete vanga. (Tanga Matai 5:24.) Aweyi ongeye yo mpangi aku ona nwabakanene diambu nulenda vangila luvuvamu nze una Yesu kasonga? Muna kunku yayi ilende, sia e sinsu vana mvutu zakieleka.

OFWETE . . .

• mokena kaka yo mpangi aku avo mwene vo vena ye kuma kimfididi mu funga makasi

• teza singika e ngindu za mpangi aku avo mwene vo makasi kefunganga mu nzaki yovo ngeye mpe kuma una kiau

• winikina kuna luzindalalu lwawonso ekolo mpangi aku kevovanga, kana nkutu vo kutomene bakula mawonso ko, lomba e ndoloki ye nsi a ntima mu kuma kia mpasi kamwene muna ntima yovo mu kuma kia dina ovangidi

O MPANGI AKU KAFWETE . . .

• vava lusadisu kwa akaka muna nkutakani yo kubazayisa dina umvangidi

• kutumba yo songa vilwa wawonso ovangidi kimana watambulwila vo ngielele una yau

• bakula o lulembamu yo unkabu osongele mu kwenda mokena yandi ye kani dia kunloloka ye nsi a ntima yawonso

Kana una vo e nsambil’eto o unu ke ivavanga ko vo twavana yimenga ya bulu, adieyi Yesu kalonga mu kuma kia ngwizani vana vena vanga luvuvamu ye mpangi eto yo vua e dienga dia Nzambi?