Avo u nleke una vo u Nkristu yovo u nlongoki a Bibila nga una ye kani dia vubwa? Ekuma ofwete kadila ye kani dia vubwa? O kukiyekola yo vubwa, kuziulanga e nzila mu kala ye ngwizani ambote yo Yave. (Nku. 91:1) O luvubu lufilanga mpe muntu mu luvuluzu. (1 Pet. 3:21) Adieyi olenda vanga muna lungisa e kani diadi?

Uyikwikidisa vo ekiaki i ludi. Vava okalanga yo lukatikisu, vaulanga e ntangwa mu toma vavulula. (Roma 12:2) Vava bakula konso diambu ofwete singika, kansi ekani difwete kufila mu vanga wo i yangidika Yave. (Nga. 27:11; Efe. 4:23, 24) Sambanga e ntangwa zawonso mu lomba lusadisu. Kala ye ziku vo Yave okusadisa yo kukumika muna mwand’andi avelela. (1 Pet. 5:10, 11) Konso ngolo ovanga nsambu zayingi zikutwasila. O sadila Yave i nzengo zisundidi o mfunu olenda baka muna zingu kiaku!—Nku. 16:11.

TALA E VIDEO, AWEYI AKAKA BABAKILA E NZENGO ZA VUBWA? I BOSI, VANA E MVUTU ZA YUVU ILENDE:

• Nkia nkakalakani basunda mpangi zankaka muna vubwa?

• Adieyi ofwete vanga muna kala ye lukwikilu lwafwana mu baka e nzengo za kukiyekola kwa Yave?

• Nki kiafila mpangi zankaka mu vanga mawonso mevavuanga muna vubwa?

• Aweyi o Yave kesambulwilanga awana babaka e nzengo za kunsadila?

• O kukiyekola yo vubwa adieyi kusongele?