Kuna kwa Yave, o nsilu a longo ke diambu diakete ko. Wavova vo yakala yo nkento bafwete laminina muntu yo nkwandi. (Mat. 19:5, 6) Vena ye akazi ayingi besonganga e mbandu ambote vana vena nkangu a Nzambi. Kansi, ke vena ye longo lwalunga ko. O mambu muna longo ke mekondwanga ko. Kansi katufwete yindula ko vo o vambana yovo vonda longo i mpila yambote ya singikila o mambu muna longo. Aweyi akazi bena vo Akristu balenda tanina o longo lwau?

Badika mambu tanu mamfunu.

1. Lunga-lunga o ntim’aku muna venga o mambu nze sikamesa e nzola kwa muntu una vo ke nkaz’aku ko, nsaka zinungununanga mavangu ma zumba oma malenda sia e longo lwaku mu vonza.—Mat. 5:28; 2 Pet. 2:14.

2. Kumika kikundi kiaku yo Nzambi, wokesa e tima diaku dia kunyangidika muna longo lwaku.—Nku. 97:10.

3. Kwamanana vuata kiwuntu kiampa, vanganga mambu makete-kete mangemba oma malenda yangidika o nkaz’aku.—Kol. 3:8-10, 12-14.

4. Nusongaziananga luzitu yo kala ye mbokena zambote.—Kol. 4:6.

5. Nusongaziananga ngemba yo zola.—1 Kor 7:3, 4; 10:24.

Vava akazi bezitisanga o longo lwau, besonganga mpe luzitu kwa Yave Ona wavanga e nkubika ya longo.

TALA E VIDEO, TUFWETE ‘LUNDUMUKINA KUNA LUZINDALALU’​—LEMVOKELANGA NSIKU MIA NKULA, I BOSI VANA E MVUTU ZA YUVU ILENDE:

• Kana una vo o longo lulenda yantikila mu mpila yambote, nkia nkakalakani zilenda bwa?

• Aweyi e nkanikinu mia Bibila milenda sadisila awana bemonanga vo ke bena yo zola ko muna longo lwau?

• Nkia nsiku kasikidisa o Yave mu kuma kia longo?

• Adieyi o nkento yo yakala bafwete vanga kimana o longo lwau lwakala lwakiese?