Ekuma tutoma yangalelanga tukukanu tweto twa mvivu? Nze kuna Isaele yankulu, o tukutakanu twampwena, tukutuvananga e lau dia sambila Yave kumosi ye ulolo wa mpangi zeto. Tuyangalelanga malongi tutambulanga oma mekutusadisanga mu toma finama Yave. Tuyangalelanga mpe e ntangwa tukalanga vamosi ye akundi ye yitu yeto. O luyangalalu lweto muna nkubika yayi, lukutufilanga mu kala lumbu yau tatu ya lukutakanu lwa mvivu.

Vava tukalanga ye lau dia lungana vamosi ye mpangi zeto, ke tufwete yindulanga kaka ko e nluta tuvua, kansi tufwete yindulanga mpe una tulenda songela o zola kwa akaka. (Ngal. 6:10; Ayib. 10:24, 25) Vava tusonganga e ngemba kwa mpangi zeto yovo vava tusianga e sinsu muna fulu yina kaka tuvua o mfunu, tusonganga vo tutokanenanga e wete dia akaka. (Fili. 2:3, 4) O tukutakanu twampwena, tukutuvananga e lau dia vanga yikundi yampa. Vitila lukutakanu lwayantika yovo kuna mfoko ye muna ola ya vunda, tulenda vanga e nkubika ya mokena ye awana ke tuzayanene ko. (2 Kor. 6:13) E yikundi tuvanganga muna tukutakanu twampwena, ilenda zinga yakwele mvu. Vana ntandu, vava wantu bemonanga o zola tusonganga kwa muntu yo nkwandi, dilenda kubafila mpe mu kutuyikama muna sambila Yave.—Yoa. 13:35.

TALA E VIDEO, “O ZOLA KE KUSUKA KO” LUKUTAKANU LWA NSI ZAYINGI, I BOSI, VANA E MVUTU ZA YUVU ILENDE:

• Aweyi ampangi ana bayenda muna lukutakanu lwa nsi zayingi muna mvu wa 2019 basongelwa o zola?

• Aweyi e kintwadi yo zola vana vena nkangu a Yave kutoma monekenanga?

• Nkia mambu bavova e Buka kia Selo Yambuta mu kuma kia zola vana vena Akristu?

• Aweyi ampangi kuna Alemanha ye Coréia do Sul basongela o zola?

• Nkia kani tufwete kala diau?