E nza tuzingilanga ibadikilanga oma mambote se mambi oma mambi se mambote. (Yes. 5:20) Diankenda vo wantu akaka bevanganga mana Yave kemenganga kumosi ye mvukana vana vena yakala yo yakala yo nkento yo nkento. Aleke bekomekenuanga kwa akwau a sikola ye akaka kimana balanda e mavangu mau mambi. Aweyi olenda sadisila o wan’aku bazizidila e ntonta zazi ye zankaka balenda wanana zau?

Sadisa o wan’aku batoma zaya e nkanikinu mia Yave. (Lev. 18:3) Malembe-malembe nulonganga o wan’eno mana Bibila kivovanga mu kuma kia kiyakala ye kikento. Nuvovanga mambu mena betela ye ntel’a konso mwana. (Nsi. 6:7) Amase, nukiyuvula: ‘Nga ilonganga wan’ame una usongelwanga e nzola yakieleka? Nga ikubasonganga o mfunu wa vuata mvuatu mia luzitu? Nga ikubalonganga o mfunu wa lembi yambula vo akaka babasimbanga muna yîkwa ya kiyakala yovo kikento? Nga wan’ame bazeye dina bafwete vanga avo muntu ozolele kubasonga mavangu ma zumba? Nga bazeye dina bevova avo muntu ubavovese vo bavanga diambu dina Yave kemenganga?’ O zaya mambu mama dikubasadisa mu venga e vonza. (Nga. 27:12; Kim. 7:12) Muna longanga o wan’aku, osonganga vo otoma zolanga e vua diantalu kavano o Yave.—Nku. 127:3.

TALA E VIDEO, TUNGA NZO INA IZINGA YAKWELE MVU—TANINA WAN’AKU “MUN’EDI DIAMBI,” I BOSI VANA E MVUTU ZA YUVU ILENDE:

• Ekuma mase mankaka ke belongelanga wan’au ko oma ma kinketo ye kiyakala?

• Ekuma mase bafwete longelanga o wan’au “muna longi ye luludiku lwa Yave”?—Efe. 6:4.

• Nkia salanganu yavaikiswa kwa nkubik’a Yave ilenda sadisa mase mu longa o wan’au oma ma kikento ye kiyakala?—Eyingidilu dia Mayu 2019, babu vana luk. 12

• Ekuma ofwete mokenenanga yo wan’aku vitila bawanana ye ntonta?