Nze una Yave kakubikila Aneyisaele, o unu okubikanga mpe nkangu andi kimana wavanga luzolo lwandi. Omu nza yawonso, e mavula, akengi a zunga, nkutakani ye buka ya salu kia umbangi, yau awonso besalanga kumosi kimana e nsangu zambote zasamunua omu nza yawonso. Tusamunanga e nsangu zambote kwa wantu awonso kumosi ye awana bevovanga e ndinga zankaka.—Lus. 14:6, 7.

Nga kani dia longoka ndinga yankaka una diau kimana wasadisa muntu mu zaya e ludi? Kana nkutu vo kuna ye ntangwa ko ya longoka ndinga yankaka, olenda sadila aplicativo JW Language kimana walongoka una olenda yantikila sila umbangi. Avo osadidi yo muna salu kia umbangi, omona e kiese nze kina bamona Akristu a tandu kiantete vava wantu bavovanga ndinga zankaka bayangalala wau bawa oma ma “mavangu manene ma Nzambi” muna ndinga za yau kibeni.—Mav. 2:7-11.

TALA E VIDEO, KALA NKUNDI A YAVE—SILA UMBANGI MUNA NDINGA YAKINZENZA, I BOSI, VANA E MVUTU ZA YUVU ILENDE:

• Nkia ntangwa olenda sadila aplicativo JW Language?

• Nkia mambu mena mo?

• Nkia ndinga bevovanga o wantu muna zunga kieno?

• Adieyi ofwete vanga avo owanane yo muntu muna zunga kiaku osongele luzolo lwa wa e nsangu za Kintinu mu ndinga yankaka?—Organizados luk. 100-101 tini kia 39-41