Ekuma ofwete zayisilanga kwa mase maku mana oyindulanga? (Nga. 23:26) E kuma kadi Yave kwa mase maku kavana e mbebe ya kulunga-lunga yo kuludika. (Nku. 127:3, 4) Diampasi dikala kwa yau mu kusadisa avo mbumba okubaswekelanga. Ovidisa mpe e lau dia zaya mambu mayingi ma zingu mana bazeye. Nga diambi mu sweka e mbumba ya maka mambu? Nkatu, kansi keba walembi sweka e mbumba muna diambu dina mase maku benena yo nswa wa zaya.—Nga. 3:32.

Aweyi olenda mokenena yo mase maku? Sola e ntangwa ina vo yambote kwa ngeye mu kala yau vamosi. Avo omwene vo diampasi mu vanga wo, olenda soneka e ngindu zaku muna nkanda yo kubavana wo. Adieyi ovanga avo bazolele vovela e diambu dina kuzolanga vovela ko? Sungamena dio vo oyau bazolele kikilu kusadisa. Badikila mase maku nze akundi, ke mbeni ko. E ngolo ovanga muna mokena ye mase maku nluta zikutwasila muna zingu kiaku kiawonso yo kuvana e lau dia vua moyo a mvu ya mvu.—Nga. 4:10-12.

TALA E VIDEO, ZINGU KIAME KIA KILEKE—AWEYI NDENDA MOKENENANGA YO MASE MAME? I BOSI, VANA E MVUTU ZA YUVU ILENDE:

• Nkia diambu Ester yo Partik babakula vo bafwete soba?

• Adieyi olenda longoka muna mbandu a Yesu?

• Aweyi mase maku besongelanga vo wete diaku betokanenanga?

• Nkia nkanikinu mia Bibila milenda kusadisa mu mokena ye mase maku?