Ekuma ofwete kubamena? Tulenda bakama kimbevo kia kinsalukisa yo natwa ku lupitalu. Muna kuma kiaki, vitila ediadi diavangama, vanga e nkubika kimana watambula lusadisu lwa mawuku lusundidi o wete kuna ntwala. Avo ovangidi wo, osonga vo ozitisanga o moyo yo nsiku a Yave mu kuma kia menga.—Mav. 15:28, 29.

Adieyi olenda vanga muna kala wakubama?

• Samba yo soneka e nzengo zaku muna kalati kia menga (DPA). a Ateleki ana bavubwa, balenda lomba e kalati kia DPA kwa mpangi olunga-lunganga e nkanda. Balenda lomba mpe e kalati kiyikilwanga vo Cartão de Identificação (ic) mu kuma kia wan’akete

• Avo wayimita wina, lomba kwa akuluntu o nkanda uyikilwanga vo Informações para Gestantes (S-401). O nkanda wau ukusadisa mu baka nzengo zambote mu kuma kia mawuku ekolo una wayimita ye vava owuta

• Avo e mpila mawuku otambula ivava vo basadila menga yovo wakala mu lupitalu mu kolo kiandá, teka zayisa akuluntu. Zayisa mpe awana besadilanga ku lupitalu vo una ye tima dia kingulwa kwa mosi muna Mbangi za Yave

Aweyi akuluntu balenda sadisila? Balenda kusadisa mu soneka e kalati kiaku kia DPA. Kansi, akuluntu ke balendi kubakila nzengo ko. (Roma 14:12; Ngal. 6:5) Avo ozayisi kwa akuluntu a nkutakani aku vo e mpila mawuku ozolele malenda fila afelemi mu vava kuvutula o menga, oyau bemokena ye ampangi besadilanga muna Comissões de Ligação com Hospitais (COLIH).

Aweyi ampangi besadilanga muna buka kia COLIH balenda sadisila? Ampangi besadilanga muna buka kia COLIH, batoma longwa kimana basadisa wantu besadilanga muna tupitalu ye wantu akaka akwa wisa babakula e nzengo zeto mu kuma kia menga. Bemokenanga yau mu kuma kia mpila mawuku ke mesadilanga menga ko. Avo divuilu o mfunu, bevavanga dotolo otambulwila kuwuka lembi sadila menga.

TALA E VIDEO, AWEYI OLENDA BAKILA NZENGO ZAMBOTE MU DIAMBU DITADIDI SADILA MENGA MUNA MAWUKU? I BOSI, VANA E MVUTU ZA KIUVU EKI:

• Nkia diambu olongokele muna video dilenda kusadisa mu kubama mu diambu ditadidi sadila menga muna mawuku?

  Mvutu: