Tuzolele yangidika Yave muna mawonso tuvanganga. (Nga. 27:11) Muna vanga wo, tufwete bakanga e nzengo zina ngwizani ye ngindu zandi kana nkutu vava ke vekalanga nsiku ko ngatu nkanikinu ulenda kutufila. Nkia mambu malenda kutusadisa mu vanga wo?

Longokanga e Bibila konso lumingu. Konso ntangwa tutanganga e Bibila, dina nze yeto tuviokesanga ntangwa yo Yave. Tulenda zaya e mpila ina Yave keyindulwilanga muna badika una kakadilanga yo nkangu andi yo fimpa e nona ya wantu ana bavanga oma mambote ye oma mambi vana meso mandi. Vava tubakanga e nzengo, o mwand’avelela ulenda kutusungamesa malongi ye nkanikinu miamfunu mina twalongoka kala muna Diambu dia Nzambi.—Yoa. 14:26.

Vavulula. Vitila wabaka e nzengo, ukiyuvula: ‘Nkia sono yovo lusansu luna muna Bibila lulenda kunsadisa mu bakula una Yave kebadikilanga e diambu diadi?’ Lomba lusadisu lwa Yave muna sambu, sadila e salanganu ya vavulwila ina muna ndinga eno ilenda kusadisa mu solola yo sadila e nkanikinu mia Bibila mina betela ye diambu onuananga diau.—Nku. 25:4.

TALA E VIDEO, TUFWETE ‘LUNDUMUKINA KUNA LUZINDALALU’—DIANGA MADIA MAMBOTE. I BOSI, VANA E MVUTU ZA YUVU ILENDE:

• Nkia ntonta kawanana zau o mpangi ankento osongelo muna video?

  Mvutu:

• Aweyi e salanganu ya vavulwila ilenda kusadisila vava onuananga ye ntonta?

  Mvutu:

• Nkia nluta tulenda vua avo tuvawidi e ntangwa muna vavulula yo kala ye longi dia yeto kibeni vitila twabaka nzengo?—Ayib. 5:13, 14

  Mvutu: