Muna sala e salu kia kimviti a nzila a ngonde ke ngonde, nkubika yambote divavanga. Avo ovangidi ola 18 muna konso lumingu, olenda sala se mviti a nzila yo kala mpe ye ntangwa ya vunda. E nkubika yayi ikusadisa kana nkutu vabwidi diambu dia kinsalukisa nze mayela yovo mvula. E babu kilende kisadisa ateleki ana besalanga ndambu a lumbu yovo lumbu kiamvimba yovo ana bena ye mayela ye ana ke bena diaka ye ngolo zafwana ko. Avo nutomene singika maka mambu, nanga mosi muna esi nzo eno olenda yantika e salu kia kimviti a nzila a ngonde ke ngonde muna ngonde a Setemba. Nga nulenda mokena e diambu diadi muna nsambil’eno ya esi nzo ilanda?