SILA UMBANGI UNA UFWENE | WOKESA E KIESE KIAKU MUNA SALU KIA UMBANGI
Kalanga Nkwa Ngiambani
O kala nkwa ngiambani yovo ngemba dikutusadisanga mu bakula e ngindu, makani ye nsatu za akaka. Diasazu dikalanga kwa wantu mu bakula vo ngemba tukubasonganga. O luzolo lwa sadisa akaka, lukutufila mu kubasonga e ngemba. Vava tusonganga e ngemba muna salu kia umbangi, tutangininanga o zola kwa Yave. Ediadi difilanga o wantu mu finama Yave.—Fili. 2:4.
Ke tufwete songanga kaka ngemba ko vava tulonganga, kansi tufwete zo songanga mpe muna mpila tumokenenanga yo wantu, muna fu yeto, sinsu ye muna mpw’eto. Tusonganga e ngemba kwa muntu vava tutokanenanga e wete diandi. Tubakulanga mana kezolanga, mana kekwikilanga ye mpila zingu kiandi. Tukumvananga mpe lusadisu kavuidi o mfunu, kansi lembi kunkomekena kasoba e ngindu zandi. Vava wantu betambulwilanga e nsangu zambote tukubasamunuinanga, e kiese kieto kiwokelanga.
TALA E VIDEO, KALANGA YE KIESE MUNA SALU KIA KITULA WANTU SE ALONGOKI—TOMESA E NDEKWA ZAKU—KALANGA NKWA NGIAMBANI. I BOSI, VANA E MVUTU ZA YUVU ILENDE:
-
Aweyi Anita kasongele e ngemba kwa Petala wau kalweke mu ola ko?
-
Aweyi Anita kasongele e ngemba vava Petala kamvovese vo wayoya kena ye kelenda longoka ko?
-
Vava tusonganga e ngemba kwa wantu, dikubafilanga mu finama Yave
Aweyi Anita kasongele e ngemba vava Petala kavovele vo kazeye kubika lekwa ko?
