Lukwikilu divavanga muna yaluka yo kwenda kuna kuvuilu ateleki ayingi o mfunu muna wokesa e salu kiaku. (Ayib. 11:8-10) Avo kani dia kwenda sadila kuna kuvuilu ateleki ayingi o mfunu una diau, mokena ye akuluntu a nkutakani aku. Adieyi olenda vanga mu zaya e fulu kina okwenda yo vava zaya mpe kana vo wafwana kikilu mu lungisa e kani diaku? Vava zaya dina nkanda mieto mivovanga mu kuma kia yaluka mu kwenda sadila kuna kuvuilu ateleki ayingi o mfunu. Mokena ye ampangi ana bayaluka kala yo kwenda sadila mu nkutakani yankaka. (Nga. 15:22) Lomba luludiku lwa Yave muna sambu. (Yak. 1:5) Toma fimpa e fulu kina ozolele kwenda. Avo dilendakana, kingula e fulu kiaki vitila wabaka e nzengo za yaluka.

TALA E VIDEO, KOTA YE LUKWIKILU MUNA MWELO A SALU UZIUKIDI MU KUMA KIAKU—WENDA KUNA KUVUILU ATELEKI AYINGI O MFUNU. I BOSI, VANA E MVUTU ZA YUVU ILENDE:

• Nkia nkakalakani kawanana zau o Gabriel? Nki kiansadisa mu sunda zo?