Muna ngonde ya Setemba tuvanga mawonso muna sadila e finkanda Zinga ye Kiese Yakwele Mvu! muna vana e lau kwa wantu dia longoka e Bibila. Ateleki ana besala se aviti a nzila ansadisi, balenda sola sala ola 30. Nga okuyivana muna salu kiaki kiamfunu?

• Muna Moko Kiantete: Sadila lukaya lwansuka lwa finkanda muna sikamesa e tima dia muntu, i bosi songa una tulongokelanga e Bibila yo wantu. Sungamena awana basonga luzolo lwambote yo vutuka kubakingula. Kana nkutu awana ke bazolanga longoka Bibila ko, balenda yangalela e ndekwa tusadilanga owau yo tambulwila finkanda. E finkanda ke fifwete siswa mu nzo ke zina wantu ko ngatu kaya fio kumosi ye nkanda tusonekene kwa muntu ona ke tuna ye ziku ko kana vo una kikilu yo luzolo lwambote. Akuluntu a Buka kia Salu kia Nkutakani, balenda vanga e nkubika kimana vakala ye tukutakanu twa salu kia umbangi muna ngonde ya Setemba.

• Malau Mankaka: Avo nkutakani eno tandabala kia sila umbangi isadilanga, nusadila e finkanda, Zinga ye Kiese Yakwele Mvu! Nuzayisa kwa awana besonga luzolo lwambote vo avo batambwidi e finkanda, balenda tambula mpe e longi dia ngovo dia Bibila. Muna lukufi, songa kwa muntu una tulongokelanga e Bibila yo wantu, yovo olenda wo vanga mu ola yankaka. O nkengi a salu olenda vanga e nkubika kimana ateleki azikuka benda muna mazandu yovo fulu ya yinkita muna zunga, mu vana e lau kwa wantu dia longoka e Bibila. Olenda mpe vana e lau dia longoka e Bibila kwa akwaku a salu yovo kwa wantu owanananga yau ekolo osilanga umbangi kuna kinsalukisa.

Yesu watukanikina ‘twakitula wantu se alongoki, twabalonga.’ (Mat. 28:19, 20) Yambula vo e salu kiaki kia mpaika mu buka kiatusadisa mu lungisa e kani diadi muna sadila finkanda, Zinga ye Kiese Yakwele Mvu!