Yave ozolele vo esi nzo bakala ye kiese. (Nku. 127:3-5; Kim. 9:9; 11:9) Kansi, tulenda vidisa e kiese kieto mu kuma kia ntokani za nza yayi yo vilwa wa yitu yeto. Adieyi konso muntu muna nzo kalenda vanga kimana nuakala ye kiese?

O yakala ozitisanga o nkaz’andi. (1 Pet. 3:7) Oviokesanga ntangwa kumosi yo nkaz’andi. Ke vingilanga ko vo nkento kavanga lutila mana kalenda, osonganga luyangalalu muna mana nkaz’andi kevanganga muna wete diandi ye dia esi nzo au. (Kol. 3:15) O yakala osonganga o zola kwa nkaz’andi yo kunsanisina.—Nga. 31:28, 31.

O nkento ovavanga sadisa yakala diandi. (Nga. 31:12) O nkento osakalelanga o nkaz’andi yo sala yandi kumosi. (Kol. 3:18) Omokenanga yo nkaz’andi kuna ngemba zawonso ye ovanganga wo kana nkutu vava kemokenenanga oma ma nkaz’andi kwa akaka.

Mase beviokesanga e ntangwa yo wan’au. (Nsi. 6:6, 7) Bevovesanga wan’au vo zola bekubazolanga. (Mat. 3:17) Amase besonganga o zola kwa wan’au vava bekubavananga e malongi.—Efe. 6:4.

O wana bezitisanga yo lemvokela mase mau. (Nga. 23:22) Bezayisanga e ngindu ye ntokani zau kwa mase mau. Betambulwilanga e longi bevewanga yo songa o luzitu.—Nga. 19:20.

TALA E VIDEO, KALA YE KIESE MUNA NZO. I BOSI, VANA E MVUTU ZA KIUVU KILENDE:

Adieyi konso muntu muna nzo kalenda vanga kimana nuakala ye kiese?