Nki i makani ma mwanda? I mawonso tuvanganga muna sadila Yave una ufwene yo yangidika o ntim’andi. O makani ma mwanda mekutusadisanga mpe mu kituka Akristu azikuka. Muna kuma kiaki, diambote twavanganga e ngolo yo vaula e ntangwa yafwana kimana twalungisa mo. (1 Tim. 4:15) Ekuma dinina o mfunu mu fimpululanga e makani meto? Kadi o mambu muna zingu kieto soba mesobanga. Nanga ke dilendakana ko mu lungisa e kani twayisila muna mvu miavioka yovo dilenda kala vo twalungisi kala e kani dieto ye divava vo twayisila kani diankaka.

E ntangwa yambote ya kuyisila makani ma mwanda i vava o mvu wa salu ke wayantikidi ko. Nga nulenda dio mokenena muna nsambil’eno ya esi nzo? Muna mpila yayi, konso muntu muna nzo olenda kuyisila e kani yovo yeno awonso.

Nkia makani olenda kuyisila muna mambu malende? Adieyi olenda vanga muna lungisa mo?