Muna ngonde ya Setemba tuvanga e ngolo muna samuna kwa wantu vo e Kintinu kia Nzambi kiau kaka kifokola e mpasi zeto. (Mat. 24:14) Aweyi olenda yikamena e salu kiaki? Vanga e ngolo kimana watangila e sono kivovelanga e Kintinu kia Nzambi kwa wantu ayingi muna ngonde a Setemba. Avo muntu osongele luzolo lwambote, umvana Eyingidilu No. 2 dia 2020. I bosi, vutuka kingula o muntu vana vau yo yantika longoka yandi e Bibila muna finkanda Zinga ye Kiese Yakwele Mvu! Awonso besala se aviti a nzila ansadisi muna ngonde ya Setemba, balenda sala ola 15 yovo 30.

Ke kolo ko, e Kintinu kia Nzambi kikosomona yo sukisa yintinu yawonso itelamenanga e Kintinu kiaki. (Dan. 2:44; 1 Kor. 15:24, 25) Muna kuma kiaki, vanga mawonso mu sadila e lau diadi diampwena muna songa e kwikizi kiaku muna Yave ye Kintinu kiandi!