• Nku. 69:30, 31—Aweyi e tini yayi ikutusadisilanga mu tomesa e sambu yeto? (Eyingidilu dia 15/1/1999 luk. 18 tini kia 11)

  Mvutu

• Nkia diambu osolwele muna ntangilu aku a Bibila ya lumingu lwalu?

  Mvutu

Tuka muna ngonde a Yanuali, 2009 e Longi dia Nkanda dia Nkutakani diabundakeswa ye Sikola ya Salu kia Kimfumu yo Lukutakanu lwa Salu. E nsobani yayi yavangama kimana esi nzo bakalanga ye nkubika ya nsambila ya esi nzo konso lumingu. Ayingi besonganga luyangalalu lwau muna nkubika yayi kadi ikubasadisanga mu toma finama Yave yo finama mpe muntu yo nkwandi.—Nsi. 6:6, 7.

Nkia nkanikinu milenda sadisa awana bena se ntu muna nzo mu tomesa e Nsambila ya Esi Nzo?

• Nuvanganga e nsambila konso lumingu. Avo dilendakana, nusikidisa e lumbu nulenda vanga e nsambila konso lumingu. Avo lumbu kiokio kifungidi, nusikidisa e lumbu kiankaka nulenda yo vanga

• Kubama. Mokenanga yo nkaz’aku, ezak’e ntangwa olenda lomba mpe e ngindu za wan’eno. Ke dina mfunu ko mu viokesa ntangwa yayingi mu kubika e nsambila ya esi nzo musungula avo esi nzo aku mambu mamosi beyangalelanga konso lumingu

• Fila e nsambila mun’owu wa nsatu za esi nzo aku. Ekolo wana bekulanga, o umbakuzi ye nsatu zau zisobanga. E nsambila ifwete sadisa konso muntu muna nzo mu kumika e ngwizani andi yo Yave

• Sobanga e fulu kia vangila e nsambila ya esi nzo. Ezak’e ntangwa nulenda sola fulu kiambote kuna mbazi kuna nulenda vangila e nsambil’eno. Avo divuilu o mfunu, nulenda vunda fioti. Kana una vo diambote mu vovela mambu masikididi mana wan’eno benuananga mau, ke nusadila nsambila ya esi nzo ko muna kubafundisa ngatu kubatumba

• Nusobanga mana nuvovela. Kasikil’owu, nulenda sadila e ntangw’a nsambila mu kubika malongi ma tukutakanu, tala video zina muna jw.org yo mokenena zo yo kubika mana nuvova muna salu kia umbangi. Kana una vo o mokena i diambu diasina muna Nsambila ya Esi Nzo, nulenda vaula fintangwa kimana konso muntu kavavulula mana nulongoka

Nubadika e kiuvu kilende:

• Aweyi nusadilanga e nkanikinu miami muna nsambila eno ya esi nzo?

  Mvutu