5-11 kia Agositu

TUSALU TUNA MUNA DIAMBU DIA NZAMBI

1. ‘Samuna Nkum’a Nzambi kwa Mbandu Ilanda’

(Min. 10)

Davidi wamona lutaninu lwa Yave muna kileke kiandi (Nku. 71:5; Eyingidilu dia 1/9/1999 luk. 18 tini kia 17)

Davidi watambula lusadisu lwa Yave vava kakala se nunu (Nku. 71:9; Sikama! dia 8/10/2004 luk. 23 tini kia 3)

Davidi wakasakesa aleke muna kubazayisa oma ma lusansu lwandi (Nku. 71:17, 18; Eyingidilu dia 15/1/2014 luk. 23 tini kia 4-5)

UKIYUVULA: ‘Nkia mpangi osadilanga Yave se mvu miayingi omu nkutakani ndenda mokena yandi muna Nsambila eto ya Esi Nzo?’

2. Tusalu twa Mwanda

(Min. 10)

Nku. 72:8—Aweyi o nsilu a Yave una muna Tuku 15:18 walunganena muna luyalu lwa Solomo wa Ntinu? (Perspicaz vol. 1 luk. 893)

Mvutu
Nkia diambu osolwele muna ntangilu aku a Bibila ya lumingu lwalu?

Mvutu

3. Ntangilu a Bibila

(Min. 4) Nku. 71:1-24 (th longi dia 5)

SILA UMBANGI UNA UFWENE

4. Mpila ya Yantikila e Moko

(Min. 3) MU NZO YE NZO. Avo muntu oyantikidi tantana, zenga e moko mu mpila yambote. (Zolanga o Wantu longi dia 4 diambu dia 5)

5. Nkingula

(Min. 4) SILA UMBANGI KUNA KINSALUKISA. Kwamanana e moko yo yitu ona una ye lukatikisu lwa longoka e Bibila. (Zolanga o Wantu longi dia 8 diambu dia 4)

6. Sasila Mana okwikilanga

(Min. 5) Longi. ijwfq 49—Ntu a Diambu: Ekuma Mbangi za Yave Basobela Maka Malongi Bekwikilanga? (th longi dia 17)

ZINGU KIA KIKRISTU

7. Mambu Malenda Sadilwa Muna Nsambila ya Esi Nzo

(Min. 15) Longi dia mbokena yo nkangu.

E nsambila ya esi nzo ivananga e lau kwa wana mu longoka e “longi ye luludiku lwa Yave.” (Efe. 6:4) O longoka ke diambu diakete ko kansi kiese kiayingi ditwasanga musungula vava wana bekalanga ye tima dia longoka e ludi. (Yoa. 6:27; 1 Pet. 2:2) Tala e babu kina yo ntu a diambu: “ Mambu Malenda Sadilwa Muna Nsambila ya Esi Nzo.” E babu kiaki kisadisa mase mu kitula e nsambila ya esi nzo se yambote ye yakiese:

Nkia ndekwa ziyikilu vana babu ozolele sadila?

Mvutu
Nga vena ye diambu diankaka omwene dina dilenda twasa e nluta?

Mvutu

MAMBU MALENDA SADILWA MUNA NSAMBILA YA ESI NZO

BIBILA:

Nulandanga e ntangilu a Bibila ya audio ya lumingu yovo nulenda tanga yeno kibeni muna ndinga yawakana. Konso muntu olenda tanga mvovo mia muntu mosi oyikwanga muna lusansu i bosi o waka otanga mvovo mia muntu wankaka
Kubika e yuvu ina e betela ye ntangilu a Bibila ya konso lumingu. Konso muntu olenda sola kiuvu kimosi yo vavulula muna solola e mvutu. I bosi, olenda zayisa kwa akaka mana kalongokele
Vanga e kiuvu yovo yika diambu, i bosi nulenda vavulula e nkanikinu mia Bibila nulenda sadila muna nkanda, Sono Ikutusadisanga mu Sadila Yave una Ufwene
Nuvanga e nsongesela ya lusansu luyikwanga muna Bibila
Kubika e kalati yo soneka mo e sono ya Bibila yaswaswana konso lumingu. Olenda sadila e sono kina muna Nkudika A ya finkanda Zolanga o Wantu—Ubakitula se Alongoki, i bosi teza lunda e sono kiaki muna ntu. Fimpulula e kalati kiaki muna tumingu tulanda
Nulongoka malongi mankaka mena muna nkanda Zinga ye Kiese Yakwele Mvu!
Sola mosi muna nzo kasasila dimosi muna malongi mevaikiswanga mu kunku nze “Mvutu za Yuvu ya Bibila” yovo Olenda solola e kunku yayi vana vasonama MALONGI MA BIBILA muna jw.org

TUKUTAKANU:

Nukubika maka malongi ma lukutakanu
Nukubika e nkomena yo vutukila zo. Nusia e sungididi muna ntangwa
Nuyimbilanga e nkunga mia Kintinu
Nubadika yo vanga e nsongesela ya dina nulenda vova muna kasakesa mpangi mosi vitila lukutakanu lwayantika yovo kuna mfoko
Nuvanga e nsongesela ya kunku kia alongoki vana ntadisi a esi nzo

SALU KIA UMBANGI:

Nukubama mu sila umbangi muna salu kia nzo ye nzo
Nukubama mu vutuka kingula o wantu
Nuyindula diambu dimosi dilenda vangama, i bosi nuvanga e nsongesela ya una nulenda yantikila e moko mu mpila yambote muna sila umbangi kuna kinsalukisa
Nubadika mana nulenda vanga muna wokesa e salu kia umbangi muna nsungi a Luyindulu yovo vava nukalanga mu vundu kuna sikola yovo kuna salu

NSATU ZA ESI NZO:

Nuvanga e nsongesela ya dina nulenda vanga avo vabwidi diambu dilenda tonta e kwikizi kieno nze kuyisia mu mambu ma mbumba, vezwa, banda kimakangu yovo kembelela e nkinzi mia nza
Nuvanga e nsongesela ina mase bekala vana fulu kia wana, vo i wana vana fulu kia mase. O wana bevavulula e diambu, i bosi bemokenena dio yo mase mau

MAMBU MANKAKA:

Nutala yo vovela e programa ya TV ya Mbangi za Yave
Nutanga e longi dimosi yovo video ina muna jw.org, i bosi numokenena yo
Nubadika e kunku “Aleke yo Matoko” yovo “Wana,” nulenda solola e kunku yayi vana vasonama MALONGI MA BIBILA muna jw.org
Nufimpulula mambu mamfunu ma lukutakanu lwa mvivu yovo lwa zunga mana nuasoneka
Nutala yovo vavulula lekwa kimosi kina muna nsema, i bosi nubadika dina nulongokele mu kuma kia Yave
Ezak’e ntangwa nubokelanga mpangi mosi muna nsambil’eno yo kunyuvula e yuvu
Nuyisila makani ma mwanda yo badika una nulenda mo lungisila
Nusala entwadi mu vanga e salu nze tunga e nzaza, vanga e mapa yovo kalati

Songa e VIDEO Kwamanana Tomesa e Nsambil’eno ya Esi Nzo. I bosi, yuvula kwa nkangu:

Aweyi o yakala kalenda sadisila o nkento mu yangalela e nsambil’au ya esi nzo avo wana ke bena diaka ku nzo ko?

Mvutu

8. Longi dia Bibila dia Nkutakani

(Min. 30) Sila Umbangi kapu kia 13 tini kia 17-24

Mvovo Miansuka (Min. 3) | Nkunga wa 123 ye Sambu

ZINGU YE SALU KIETO KIA KIKRISTU–NKAND'A MALONGI

Programa ya Lukutakanu Zingu ye Salu Kieto 5-11 kia Agositu, 2024

Kikongo

Programa ya Lukutakanu Zingu ye Salu Kieto 5-11 kia Agositu, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Yuli luk. lwa 10-16

Mbangi za Yave

5-11 kia Agositu

NKUNGA 70-72

Nkunga wa 59 ye Sambu | Mvovo Miantete (Min. 1)

TUSALU TUNA MUNA DIAMBU DIA NZAMBI