E video zilenda simba e ntima mia wantu yo tunta sungididi kiau muna mana bemonanga yo wá. Ediadi disadisanga wantu mu lembi vilakana mana bemonanga yo wá. Yave una se mbandu ambote mu sadila lekwa yimonekanga muna longa.—Mav 10:9-16; Lus 1:1.

E video, Nga Nzambi una ye Nkumbu? Nani i Nsonekesi a Nkand’a Nzambi?, Aweyi Tulenda Kadila ye Ziku vo Nkand’a Nzambi Ludi Uvovanga? zitoma sasilanga e longi dia 2 ye 3 dia finkanda, Nsangu Zambote. E video, Ekuma Ofwete Longokela Bibila?, Aweyi Wantu Belongokelanga Bibila? ye Nkia Mambu Mevangamanga Muna Seka dia Kintinu? zikasakesanga o wantu balongoka o Nkand’a Nzambi yo kwenda muna tukutakanu tweto. Zakaka muna video zeto zilenda mpe sadilwa vava tulongokanga o Nkand’a Nzambi yo wantu.—km 5/13 3.

• Teka bandula e video ozolele songa kwa muntu

• Kubika kiuvu kimosi yovo yole ivaninwa e mvutu muna video

• Nutala e video kumosi

• Nubadika mambu masina

• Tala vana lukaya lwansuka lwa tratado imosi yo songa e código QR kwa muntu ikumfila muna video Ekuma Ofwete Longokela Bibila?

• Unsonga e video, Aweyi Tulenda Kadila ye Ziku vo Nkand’a Nzambi Ludi Uvovanga? I bosi kaya e finkanda Nsangu Zambote yo badika e longi dia 3