Mase ana bevuminanga Nzambi bena ye tima dia mona wan’au bakituka selo ya kwikizi ya Yave. Mase balenda wo vanga muna kotesa diambu dia Nzambi muna ntima mia wan’au tuka muna kileke. (Nsi 6:7; Nga 22:6) Nga ediadi ngolo divavanga muna wo vanga? Elo! Kansi e nsambu betambulanga zisundidi konso ngolo balenda vanga.—3 Yoa 4.

Mase balenda longoka mayingi muna mbandu a Yosefe yo Maria. Oyau “bayendanga kuna Yerusaleme mvu miawonso, kuna nkinzi a Nduta” kana una vo ngolo ye nzimbu diavavanga. (Luka 2:41) Nanga basianga mambu ma mwanda vana fulu kiantete muna zingu kiau kia esi nzo. Diau adimosi mpe o unu, mase balenda ludika o wan’au muna sadilanga konso lau mu kubalonga muna mvovo ye mbandu au.—Nku 127:3-5.

NUTALA E VIDEO, BASADILA KONSO LAU, I BOSI NUVANA E MVUTU ZA YUVU ILENDE:

• Aweyi o Jon yo Sharon Schiller besilanga Kintinu va fulu kiantete ekolo belunga-lunganga esi nzo au?

• Ekuma mase bafwete vanina e longi mun’owu wa nsatu za konso mwana?

• Aweyi mase balenda kubikila wan’au mu zizidila e ntonta za lukwikilu?

• Nkia salanganu yavaikiswa kwa nkubik’a Yave osadilanga mu sadisa wan’aku banungunuka muna mwanda?