EKUMA DININA O MFUNU: Nze sadilwa yankaka, e Internete ilenda kutusadisa yovo kututwasila vonza. Akristu ankaka bebakanga e nzengo za lembi sadila Internete. Ankaka besadilanga Internete muna mokena ye yitu ye akundi. Kansi Nkadi ampemba ozolele vo twasadila e Internete mu mpila yambi muna yivisa e fu yeto ya nkal’ambote yo fwasa e ngwizani eto yo Yave. Nze Yesu, tulenda sadila e nkanikinu mia Nkand’a Nzambi muna zaya e vonza yo venga yo.—Luka 4:4, 8, 12.

NTAMBU TUFWETE VENGA:

• Viokesa e tezo muna mpila tusadilanga Internete. O viokesa e ntangwa yayingi muna sadila Internete, dilenda kutuyiya e ntangwa tufwete sadila muna salu kia Yave.

  Nkanikinu mia Nkand’a Nzambi: Efe 5:15, 16; Fili 1:10

• Tala mavangu mansoni. O tala mafoto ma wantu bevuatilanga mu mpila yambi dilenda kutufila mu mavangu ma zumba. O tanga mambu besianga avengomoki muna internete dilenda fwasa lukwikilu lweto.

  Nkanikinu mia Nkand’a Nzambi: Mat 5:28; Fili 4:8

• Tula mvovo yovo mafoto mansoni. Wau vo ntima watekama, muntu olenda tula mvovo yovo mafoto mansoni muna nzila za Internete. Ediadi dilenda yivisa e fu ya nkal’ambote ya muntu yovo yoyesa lukwikilu lwandi.

  Nkanikinu mia Nkand’a Nzambi: Roma 14:13; Efe 4:29

NUTALA E VIDEO, KALA YE NGANGU MUNA SADILA INTERNETE, I BOSI NUFIMPULULA UNA TULENDA VENGELA E MAMBU MALENDE: