EKUMA DININA O MFUNU: E longi dia Nkand’a Nzambi dia yeto kibeni, dikutusadisanga mu ‘toma zaya owu wina o yalumuka, lambuka, lá yo sina’ kwa ludi. (Efe 3:18) Dikutusadisanga mpe mu lembi vanga vilwa yo lembi kala ye twangu mu nza yayi yambi yo kwamanana “simbinina e diambu diamoyo.” (Fili 2:15, 16) E longi dia Nkand’a Nzambi dia yeto kibeni dikutuvananga e lau dia sola mana tuvuidi o mfunu. Aweyi tulenda toma sadila e ntangw’eto vava tutanganga yo longoka Nkand’a Nzambi?

UNA TULENDA WO VANGILA:

• Sia e sinsu muna sono yo soneka mambu masina, kiakala muna nkanda yovo telefone

• Ekolo otanganga Nkand’a Nzambi ukiyuvula: ‘Nani? Nki? Nkia ntangwa? Akweyi? Ekuma? Aweyi?’

• Vavulula muna longoka mayingi mu kuma kia mana otangidi. Sadilanga e salanganu ya vavulwila, olenda soneka o ntu a diambu ovavulula yovo tini kia Nkand’a Nzambi

• Badika mana otanganga yo zaya una olenda mo sadila muna zingu kiaku

• Sadila mana olongokanga muna zingu kiaku kia lumbu ke lumbu.—Luka 6:47, 48

TALA E VIDEO, KALANGA YE LONGI DIASIKIDIDI DIA NKAND’A NZAMBI, I BOSI VANA E MVUTU ZA YUVU ILENDE:

• Adieyi ampangi bavovele mu kuma kia nkubika ya longi dia yeto kibeni?

• Ekuma tufwete yantikila e longi dia yeto kibeni muna sambu?

• Nki kilenda kutusadisa mu toma bakula e sono kia Nkand’a Nzambi?

• Nkia mambu tulenda sia e sinsu muna longi dia yeto kibeni?

• Ekuma o badika kwinina o mfunu vava tulongokanga e Diambu dia Nzambi?

• Aweyi tulenda sadila mana tulongokanga?