ZINGU KIA KIKRISTU
‘Azeyi i Ngindu za Yave?’
Vitila twabaka e nzengo, zakala zanene yovo ve, tufwete kukiyuvula: ‘Azeyi i Ngindu za Yave?’ Kana una vo ke tulendi zaya mawonso ko mu kuma kia ngindu za Yave, okutuzayisanga mayingi muna Diambu diandi oma mekutukubikanga muna “mavangu mawonso mambote.” (2 Tim 3:16, 17; Roma 11:33, 34) Yesu watoma zaya o luzolo lwa Yave yo sia lo vana fulu kiantete muna zingu kiandi. (Yoa 4:34) Muna tanginina Yesu, tulenda vanga mawonso muna baka nzengo ziyangidikanga Yave.—Yoa 8:28, 29; Efe 5:15-17.
TALA E VIDEO, VAVANGA BAKULA O LUZOLO LWA YAVE, (FUKA 19:18) I BOSI, VANA E MVUTU ZA YUVU ILENDE:
-
Ekuma tufwete sadila e nkanikinu mia Nkand’a Nzambi muna zingu kieto?
-
Nkia nkanikinu mia Nkand’a Nzambi milenda kutusadisa vava tusolanga miziki?
-
Nkia nkanikinu mia Nkand’a Nzambi milenda kutusadisa vava tusolanga mvuatu ye mpila ya kuyikubikila?
-
Mu nkia mambu mankaka ma zingu tufwete sadila e nkanikinu mia Nkand’a Nzambi?
-
Aweyi tulenda wokesela o umbakuzi weto muna bakula o luzolo lwa Yave?
E nzengo zame nki zisonganga mu kuma kia ngwizani ame yo Yave?
