KWAMANANA YINGILA!

2022: I Mvu wa Nkinda-Nkinda—E Bibila Adieyi Kivovanga?

WINIKINA MU

Mu mvu wa 2022, e mambu twatomene wanga kwa amwangi a nsangu i vita, mpasi za zingu ye lufwasu lwa kalu kia wantu. Bibila kaka kilenda sasila e kuma mambu mama mebwilanga.

Nsasa yakieleka ya mambu mabwidi mu mvu wa 2022

Nze una tutanganga muna Bibila e mambu mabwidi mu mvu waviokele i ziku kisonganga vo mu “lumbu yambaninu” kieleka tuzingila. (2 Timoteo 3:1) E lumbu yambaninu yayantika muna mvu wa 1914. Tala mambu e mabwidi mena vo masakulwa muna Bibila mu kuma kia lumbu yeto:

“Vita.”—Matai 24:6.

“Mu Mvu wa 2022 E Mpasi za Vita Zavutukidi ku Europa.” a

Tala e longi, “Makesa ma Rússia Makotele Muna Nsi a Ucrânia.”

“Mvengele.”—Matai 24:7.

“Mu Mvu wa 2022: E Nzala Zatomene Wokela.” b

Tala e longi, “E Vita ya Ucrânia Iwokese Mvengele mu Nza Yawonso.”

“Vuku.”—Luka 21:11.

“E kimbevo kia katolo-tolo kivutukidi diaka. E makwanza mesambukiswanga kwa nkima mu sayana kaka mena, e vuku kia COVID-19 kiakinu twasa e mfwilu. E yimbevo yayi isambukilwanga isonganga vo e zingu kia wantu mu vonza kikilu kina.” c

Tala e longi, “Mafuku 6 ma Wantu Bafwididi Muna COVID.”

“Mambu Mansisi.”—Luka 21:11.

“Mbangazi yasaka, kala, mfinda zakwama e tiya ye yizalu. O wantu ke bevilakana diaka ko e nsungi a masanza ma mvu wa 2022. Kadi i nsungi yawokela mbangazi yatwasa lufwasu lwampwena, yavonda wantu ayingi yo yalula mafunda ye mafunda ma wantu mu nza yawonso.” d

Tala e longi, “E Nza mu Mpasi Ina mu Kuma kia Wokela kwa Mbangazi.”

“Mavuanga.” —Luka 21:9.

“O wantu makasi mayingi bena mau mu kuma kia mpasi za zingu, ye lekwa imatanga e nalu. Ediadi diatomene wokesa e fu kia telamena ayadi mu mvu wa 2022.” e

Tala e longi, “E Mpasi za Zingu Ziwokele mu Nza Yawonso.”

Nkia mambu mebwa muna mvu ukwiza?

Ka vena muntu ko lenda zaya e mambu mebwa muna mvu wa 2023. Edi kaka tuzeye, ke kolo ko, e Kintinu kia Nzambi yovo luyalu lwa zulu, lutwasa e nsobani zampwene ova ntoto. (Daniele 2:44) Luyalu lwalu lumanisa e tuku dia mpasi za wantu yo yambula vo luzolo lwa Nzambi lwavangama ova ntoto.—Matai 6:9, 10.

Tukasakesa walemvokelanga o lulukisu lwa Yesu Kristu, lwa sia vo “kwamanana yingila” mu kuma kia mambu mebwanga oma melunganesanga ungunza wa Nkand’a Nzambi. (Maku 13:37) Do, utuvava mu zaya una Nkand’a Nzambi ulenda kusadisila ye esi nzo aku tuka owau mu kala ye vuvu kiasikila kia kusentu.

a AP News, “2022 foi o ano em que o horror da guerra voltou à Europa”, por Jill Lawless, 8 de dezembro de 2022.

b Programa Alimentar Mundial, “Uma crise alimentar global”.

c JAMA Forum de Saude, “Era de Epidamias—Desde COVID-19 ate a Varíola de Macacos, Poliomielite, e a Doença do Seculo X,” Por Lawrence O. Gostin, JD, 22 de Setembro, 2022.

d Earth.Org, “O que está por trás dos eventos climáticos extremos recordes do verão de 2022?” por Martina Igini, 24 de outubro de 2022.

e Carnegie Endowment for International Peace, “Economic Anger Dominated Global Protests in 2022,” de Thomas Carothers and Benjamin Feldman, December 8, 2022.