Kina kialendi muna mene-mene, kia 10 kia Okutoba 2022, e bomba za Russía zawandamene muna Mbanza zayingi za Ucranía. E zazi i mvuntu za luyalu lwa Russía mu kuma kia bomba yabukidi vitila e lumbu yole, eyi yafwasidi e ndambu a kiamvu kia mfunu kiyikakesanga e Crimeia ye Russía. Ke kolo ko vitila e diambu diadi dia vangama, akaka mun’akwa mbumba bavovele vo e Armagedo ifinamene.

•   “Ke tusidi kala lukufi ko ye vita ya Armegedo tuka [mfidi a nsi a Estados Unidos John F.] Kennedy ye bomba za Cuba. . . . Kikwikidi ko vo osadila nkele miangolo mianuanina mantalani ke ditwasa vita ya Armagedon ko.”—Mvovo mia Joe Biden, mfidi a Nsi ya Estado Unidos, kia 6 kia Okutoba, 2022.

•   “Ngina ye ziku vo ke kolo ko e Armagedo ibwa, e nza yawonso mu vonza ina.”—Mvovo mia mfidi a nsi a Ucranía Volodymyr Zelensky vava kayuvwilu mu kuma kia vonza kiasadila e nkele miangolo milenda fwasa e nza yawonso, BBC News, kia 8 kia Okutoba, 2022.

 Nga osadila e nkele miangolo emi milenda fwasa e nza yawonso, ditwasa e vita ya Armagedo? E Bibila adieyi kivovanga?

 Nkatu. O mvovo Armagedo nkumbu mosi kaka wasonama muna Bibila muna Lusengomono 16:16. Sono kiaki ke kivovelanga mvita ko vana vena esi zula, kansi kivovelanga e mvita a Nzambi ye “ntinu mia nza yawonso.” (Lusengomono 16:14) Nzambi osadila e mvita ya Armagedo mu fukisa o tuyalu twa wantu.—Daniele 2:44.

 Muna zaya diaka mayingi mu kuma kia dina Armagedo ivanga ova ntoto, tanga e longi Nki i Vita ya Armagedo?

 Nkatu. Kana una vo ayadi balenda sadila nkele miangolo kuna sentu, Nzambi keyambula ko vo o ntoto wa fwaswa e mvimba. Bibila kivovanga vo:

•   “O ntoto ukwamanana yakwele mvu.”—Kimpovi 1:4.

•   “Ansongi bevua nza, bezingila vo yakwele mvu.”—Nkunga 37:29.

 Muna diadi, o ungunza wa Bibila ye mambu mebwanga mesonganga vo ke kolo ko nsobani zampwena zivangama ova ntoto. (Matai 24:3-7; 2 Timoteo 3:1-5) Muna zaya mana Bibila kivovanga mu kuma kiakusentu yantika longoka e Bibila muna lusadisu lwa muntu ankaka.