E Nkubika Italanga Diambu dia Vimpi wa Nz’amvimba (OMS) yavovele vo, yakina kia 23 kia Mayu ya mvu wa 2022, vioka mafuku 6.270.000 ma wantu bafwididi muna vuku kia COVID-19. Kansi, e nsangu zavaikiswa kwa nkubika yayi (OMS) kina kia 5 kia Mayu ya mvu wa 2022, zavova vo lutangu lwakieleka lwa wantu bafwididi kala mu vuku kiaki lusundidi kikilu o lwalu. Zavova mpe vo muna mvu wa 2020 ye 2021, “tezo kia mafuku 14.900.000 ma wantu bafwa mu kuma kia vuku kia COVID-19.” Nga e Bibila diambu kivovanga mu kuma kia vuku ya mpila yayi?

•    Yesu wasakula vo muna ntangwa iyikilwa vo “lumbu yambaninu,” mukala ye vuku yovo “yimbevo yampondi.”—Luka 21:11, (Contemporary English Version); 2 Timoteo 3:1.

 O ungunza wa Yesu mu lungana wina o unu. Muna zaya diaka mayingi, tanga e longi: “O que é o sinal dos “últimos dias” ou “fim dos tempos”?”

•    “Nzambi a fiauzi wawonso . . . okutufiaulwisanga muna mpasi zeto zawonso.”—2 Korinto 1:3, 4.

 Ayingi muna wantu bafwidilu e yitu, basolwele lufiaulwisu muna nsangu za Bibila. Muna zaya mambu mayingi, tala malongi: “Como lidar com a dor — O que você pode fazer” ye “A melhor ajuda para quem perdeu alguém.”

•    “E Kintinu kiaku kiza. O luzolo lwaku lwavangama ova ntoto nze koko zulu.”—Matai 6:10.

 Ke kolo ko e “Kintinu kia Nzambi” kisukisa e mpasi zawonso kimana ‘ke mosi ko ovova vo: “Yayela ngina.’” (Maku 1:14, 15; Yesaya 33:24) Muna toma zaya luyalu lwalu lwa zulu ye dina luvanga, tala e video: Nki i Kintinu kia Nzambi?

 Tulombele wavaula e ntangwa ya longoka diaka mambu mayingi ma Bibila kimana ongeye ye esi nzo aku nuavua e nluta mia malongi mandi mambote ye nsilu miandi.