Mu nza yawonso, e mambu ma mbumba mevambanesanga wantu muna nsi zayingi. O lufimpu lwavangwa mu “nsi 19 muna mvu wa 2022, lusonganga vo vana vena 100 wantu 65 bavova vo muna nsi zau, o wantu bena muna buka ya mbumba yaswaswana ke betoma wizananga ko.”

 Nga kumonanga ko vo e fu kia sia e mpambani mu kuma kia mbumba mu wokela kaka kina muna zunga kiaku? Ekuma divangamenanga? Nga e diambu diadi disinga fokoka? Tala dina Bibila kivovanga.

 E Bibila kiasakula vo mu lumbu yeto eyi yikilwanga vo “lumbu yambaninu,” wantu ayingi bekala ye fu itwasanga e mpambani.

•   “Kansi zaya wo vo, muna lumbu yambaninu mukwiza nsungi zampasi ye vonza. Kadi wantu bekala akwa kuyizola, . . . minkondwa ngwizani.”—2 Timoteo 3:1-3.

 Kana una vo wantu ayingi bevanganga e ngolo kimana o tuyalu twasalanga una ufwene, ediadi ke dilendakananga ko. O wantu bena ye ngindu zambote bemonanga vo diampasi mu sala e ntwadi ye akaka muna singika e mambu. Ediadi dilunganesanga dina divovanga e Bibila tuka kolo.

•   ’O muntu oyalanga nkwandi muna kumwesa e mpasi.’—Kimpovi 8:9.

 Kansi, e Bibila kisonganga una e diambu diadi disingikilwa: Vena yo luyalu lufokola e mpasi bemonanga o wantu o unu.

 E Bibila kisonganga vo Yesu Kristu i mfidi wafwana ona wina yo nkuma, wisa ye luzolo lwa twasa ungudi ye luvuvamu kwa wantu awonso.

•   “Muna lumbu yandi, o nsongi osakumuka, luvuvamu luwokela.”—Nkunga 72:7.

•   “E zula yawonso ikunsadila.”—Nkunga 72:11.

 Yesu i mfidi o fwanukinu, kadi ovwanga wantu o mfunu ye ozolele kubasadisa, musungula awana bebangikwanga.

•   “Okûla nsukami vava kekaza, ye mumbona-mpasi ye ndiona okondelo nsadisi. Ofwila mumbona-mpasi e nkenda yo nsukami, ovuluza mioyo miau. Okubakûla muna lubangamu ye nsoki.”—Nkunga 72:12-14.

 Zaya diaka mayingi mu kuma kia Kintinu kia Nzambi, i sia vo luyalu lwa zulu luna vo Yesu i mfidi. Tala una olenda vwila nluta yo yikama o luyalu lwandi.

•   Tala e video Nki i Kintinu kia Nzambi?

•   Tanga e longi, “O Reino de Deus—um governo sem corrupção.”