O unu, diampasi kwa wantu ayingi omu nza mu lenda e nzimbu zafwana mu kuyidikila.

•   Ralatorio imosi ya nz’amvimba a yavaikisu ke kolo ko, ivovanga vo: “O wantu ke belendanga diaka sumba lekwa yayingi ko muna nzimbu zina befutwanga.” Ivovanga mpe vo avo mambu ke mesoba ko, muna lumbu ilanda “e nswaswani vana vena amvuama ye asukami itoma wokela diaka, e zingu kia wantu mpe kiluta beba diaka ke mu lumbu yavioka ko.”

 Nga tuyalu belenda fokola e mpasi za kondwa e nzimbu yovo kulula zo?

 E Bibila kisasilanga vo vena yo luyalu lulenda ye lusinga fokola e mpasi za kondwa e nzimbu, yo twasa e mfwanani vana kati kwa wantu. E Bibila kivovanga vo: “O Nzambi a zulu otongeka kintinu” mu singika mambu mawonso ova ntoto. (Daniele 2:44) Vava e Kintinu kiaki kiya e nza yawonso, ke vekala muntu ko ovilakanua ngatu siswa manima. (Nkunga 9:18) O wantu awonso beyalwa kwa Kintinu kia Nzambi, bevua ina bavuidi o mfunu mu kala ye kiese. Wantu awonso beyangalela o mfutu a salu kiau.—Yesaya 65:21, 22.