“Muna kileke, o mpangi ame ayakala wangwandanga lumbu yawonso yo kumfinga. Vava yasompwa, o nzitu ame ankento wankondwanga luziti yo kumfinga. Kumosi yo yakala diandi bambadikilanga nze mbundu, dianu yazola kuyivonda.”—Madhu, a India.

 “E fu kiawanda akento kiasayana mu nza yawonso” landila World Health Organization. O lusansu lusonganga vo vana vena ntatu muna akento, mosi wabangikwa yo wandwa yovo lekwa mu kingolo.

 Avo e diadi diabwila kala, nanga olenda yindula vo konso kuna okwenda olenda wanana yo muntu okubangika, nze kuwanda, kufinga yovo kuleka mukingolo. E mambu mama malenda kufila mu yindula vo “akento ke bena mfunu ko.” Nga akento kebena kikilu mfunu ko vana meso ma Nzambi?

 Sono: “Yakala yo nkento kabavanga.”—Tuku 1:27.

 Disongele vo: Nzambi yakala yo nkento kabavanga ye okubazitisanga. O Nzambi mpila mosi kekubabadikilanga. Kuna diak’e sambu, ovingilanga vo akala ‘bazolanga akento au nze yau kibeni.’ (Efeso 5:33; Kolosai 3:19) Dialudi, o Nzambi otaninanga akento.

 “Muna kileke, yitu kiame wandeka mu kingolo. Vava yakala ye mvu 17, o mfumu ame a salu wamvumisa vo avo kivukene yandi ko okungioka. Vava yasompwa, o nkaz’ame, mase mame yo mfinangani bamvezanga. Kansi kuna kwalanda yaza Yave, b twa Mvangi. O Yave ozitisanga akento. Ediadi diankwikidisa vo zola kekunzolanga ye mfunu ngina vana meso mandi.”—Maria, Argentina.

 Sono: “Vena ye nkundi ona otatidilanga lutila mpangi.”—Ngana 18:24.

 Disongele vo: O nkundi akieleka okusadisa. Avo omwene vo ediadi dikusadisa, zayisa e ntokani zaku kwa muntu ona obundanga e vuvu.

 “Mu mvu 20 kiazayisa kwa muntu ko vo mu kingolo yalekwa. Kuna kwalanda, yavidisa e kiese, yatokana yo bakama kimbevo kia ntelamw’a moyo. Kansi, vava yazayisa e diambu diadi kwa muntu ona wakala ye tima dia kungwa, yamona nze mono yakatulwa e zitu vana mavembo.”—Elif, Türkiye.

 Sono: “Nuyekekanga kwa [Nzambi], mawonso mekunutokanesanga, kadi mfunu kekunuvuanga.”—1 Petelo 5:7.

 Disongele vo: Vava osambanga o Nzambi otomasianga e sungididi. (Nkunga 55:22; 65:2) Kadi okulunga-lunganga ye ozolele kusadisa mu bakula vo mfunu wina kwa yandi.

 “Ozaya Yave diansadisa mu sunda e fu yakala kiau kiakuyimwena vo kina kwame mfunu ko. Owau ndenda samba kwa Yave yo kunzayisa mawonso mekuntokanesanga. Una nze nkundi ona olenda bakula una kikilu imonanga.”—Ana, Belize.

 Sono: “Yave . . . ozenga diambu dia wan’a nsona ye mimbona-mpasi muna unsongi, Kimana muntu una vo wa nza kalembi kubamwesa diaka wonga.”—Nkunga 10:17, 18.

 Disongele vo: Ke kolo ko Nzambi ofokola o kondwa kwa unsongi kumosi ye fu kiabangika akento.

 “Diakiese diakala kwa mono mu longoka vo ke kolo ko Yave ofokola e fu kiabangika akento ye wan’andumba. Ediadi diampana luvuvamu lwa ntima.”—Roberta, Mexico.

 Muna longoka diaka mayingi mu kuma kia una e Bibila kivaninanga e vuvu, e kuma olenda bundila e vuvu muna nsilu miami ye una Mbangi za Yave besadisilanga o wantu mu longoka e Bibila o unu, lomba beza kukingula kwa muntu uvene finkanda fiafi.

 Kulumuna e longi dianietekwa dia finkanda fiafi.