Kina kia 19 kia Mayu, 2022, E Nkubika ya Nações Unidas Italanga e Diambu dia Lutaninu, yawidi vioka 75 lwa ayadi ana bavovele vo “mu kuma kia vuku kia COVID-19, nsobani muna nsungi ye vita kuna Ucrânia,” o mvengele ulenda wokela muna fulu yankaka mu nza yawonso. I bosi, e zulunalu The Economist yavovele vo, “e vita mu wokesa ina lutangu lwa wantu befwanga e nzala mu nza yayi yazala ye mpasi.” E Bibila kiasakula vo, o mvengele ukala mu lumbu yeto. E Bibila kikutuvananga mpe lusadisu mu zizila e mpasi zazi.

•    Yesu wasakula vo: E “zula kitelamena zula, kintinu kitelamena kintinu, mukala mvengele.”—Matai 24:7.

•    O nkanda Lusengomono uvovelanga akwa mvalu nyá. Mosi muna akwa mvalu awaya vita kesunzulanga. Ona okunlandilanga mvengele kesunzulanga. Muna kolo kikala mvengele wau o madia memanta kikilu e ntalu. “Mbwene mvalu wandombe, ndiona ofongele wo una ye balanza vana koko. Ngwidi ndinga . . ., ivovele vo: ‘Kilo kimosi kia masa osumbila kio muna mfutu wa lumbu kia mvimba! Yilo tatu ya bale osumbila yo mpe muna mfutu wa lumbu kia mvimba.’”—Lusengomono 6:5, 6, Contemporary English Version.

 O ungunza wau wa Bibila mu kuma kia kondwa kwa madia ulungananga mu lumbu yayi iyikilwanga muna Bibila vo “lumbu yambaninu.” (2 Timoteo 3:1) Muna zaya mayingi mu kuma kia “lumbu yambaninu” ye akwa mvalu nyá beyikwanga muna Lusengomono, tala e video E Nza Yasoba Tuka Muna Mvu wa 1914 yo tanga e longi “Akwa Mvalu Nyá Nki Besunzulanga?”

•    E Bibila kivuidi malongi mamfunu malenda kutusadisa mu zizidila mambu mampasi, kumosi ye kondwa kwa madia yovo mvengele. Tala yaka nona muna longi “Como viver com menos dinheiro.”

•    E Bibila kikutuvananga mpe vuvu kia sia vo mambu toma metoma. Kisianga e nsilu wa ntangwa “vekala ye ulolo wa masa ova ntoto.” (Nkunga 72:16) Muna zaya mayingi mu kuma kia nsilu mia kusentu mina muna Bibila ye kuma ofwete mio bundila e vuvu, tanga e longi “Vuvu Kiasikila kia Kusentu.”