Una Nzambi Kesadisilanga Afwa Matu
O unu mu nza yawonso muna ye tezo kia 70 lwa mafuku ma mafunda ma afwa matu. Ndonga muna yau, ndinga za sinsu besadilanga mu mokena ye akaka. Muna nza yawonso muna ye vioka 200 za ndinga za sinsu. Diankenda kikilu vo vena ye wantu ke bevuanga afwa matu mfunu ko nze una usonganga e nona ilende:
“Mu nza yawonso wantu ayingi ke bezitisanga o nswa wa afwa matu ko, ngatu tokanena e mpasi bemonanga wau vo ke bewanga ko.”—Associação dos Surdos (U.S.).
“Muna nsi za usukami, afwa matu basundidi vana vena asukami, vana vena wantu ana ke batanga ko, vana vena minkondw’a salu ye wantu ana ke betambulanga e nsangu ko.”—Federação Mundial dos Surdos.
O Nzambi aweyi kemonanga mu kuma kia afwa matu? E Bibila adieyi kivovanga mu kuma kia afwa matu? E Mbangi za Yave aweyi besadisilanga afwa matu o unu?
Una Nzambi kebadikilanga afwa matu
E Bibila kisonganga vo Yave a ovuanga afwa matu o mfunu. Ozolele vo basongwanga o zola ye balongwa e malongi mandi.
Sono: “Kusibi fwa matu ko.”—Levitiku 19:14.
Ediadi disongele vo: O Nsiku una Yave kavana kwa Isaele yankulu, wataninanga afwa matu.
Sono: “Nzambi ke sianga mpambula ko.”—Mavangu 10:34.
Ediadi disongele vo: Nzambi ovuanga wantu a mpila zawonso o mfunu, kumosi ye afwa matu.
Sono: “Yesu wele kangala . . . , yo samuna e nsangu zambote za Kintinu.”—Matai 9:35.
Ediadi disongele vo: O Yesu wayiza ova ntoto mu longa wantu awonso e mambu ma Kintinu kia Nzambi, kumosi ye afwa matu.—Matai 6:10.
Sono: Yesu ‘wawisisa nkutu afwa matu yo vovesa mababa.’—Maku 7:37.
Ediadi disongele vo: Yesu wasonga vo muna Kintinu kia Nzambi afwa matu bewa yo vova. Lumbu kimosi, Yesu kuna zola kwawonso wasadila nding’a sinsu mu mokena ye fwa matu mosi vitila kanwuka.—Maku 7:31-35.
Sono: “O matu ma afwa matu mewá.”—Yesaya 35:5.
Ediadi disongele vo: Yave wasakula vo afwa matu besinga wá.—Yesaya 29:18.
Una Mbangi za Yave besadisilanga afwa matu o unu
Mbangi za Yave besamunanga mambu ma Nzambi mevananga e vuvu kwa afwa matu mu nza yawonso. Bevaikisanga Bibila ye video zisasilanga Bibila mu vioka 100 a ndinga za sinsu. Belonganga mpe Bibila kwa afwa matu yo kubika tukutakanu twa Kikristu mu ndinga za sinsu. Mu ngovo tuvangilanga mawonso mama kwa awana bevavanga lusadisu lwa Nzambi. Ekuma? E kuma kadi, Yesu wakanikina vo: “Ngovo nutambwidi, ngovo nuvana.”—Matai 10:8.
Olenda ziula salanganu yayi muna Internete yovo olenda yo kulumuna muna tablete, computador yovo muna celular aku muna nzila zina ova yanda:
JW.ORG. Muna solola e nding’a sinsu ina ozolele, bosa vana sinsu kia ndinga kina vana ntandu a lukaya.
Aplicativo JW Library Sign Language. Tula aplicativo yayi muna computador aku, tablete yovo celular aku kimana wakulumuna yovo tala e video za nding’a sinsu.
Nkia Salanganu ya Longokela Bibila Tuvaikisanga?
Bibila muna nding’a sinsu. E Bibila—Nsekola ya Nz’ampa muna nding’a sinsu ya América i Bibila kiantete kiamvimba kiavaikiswa mu nding’a sinsu. Owau e Nsekola ya Nz’ampa yamvimba yovo ndambu andi mu ndinga zayingi za sinsu se ina. Konso mvu ndinga zayingi za sinsu zivaikisanga e Bibila. (Muna zaya lutangu lwa ndinga za sinsu zina ye Bibila yovo muna tanga e Bibila ya nding’a sinsu muna Internet, tala e babu “ Bibila kia Nsekola ya Nz’ampa muna Ndinga za Sinsu.”)
Muna zaya mpila ivaikisilwanga e Bibila muna ndinga za sinsu, tala e video A versão completa da Tradução do Novo Mundo da Bíblia está disponível em língua de sinais americana.
Muna toma tanganga e Bibila, tula aplicativo JW Library Sign Language muna compotador, tablete yovo muna celular aku. Aplicativo yayi ikusadisa mu sola sono ya Bibila muna ndinga za sinsu.
Dmytro yo Vita afwa matu, o wan’au ke afwa matu ko. Tala una bevuilanga e nluta muna nzo au ekolo betalanga video za ntangilu a Bibila e lumbu yawonso muna nding’a sinsu.
Video za longokela e Bibila. Mbangi za Yave bevaikisanga video za nding’a sinsu zisadisanga o wantu mu bakula yo sadila malongi ma Bibila mu kuma kia . . .
Longoka e Bibila muna lusadisu lwa muntu ankaka. Muna lusadisu lwa nlongi, olenda longoka Bibila muna nding’a sinsu muna konso ntangwa ye fulu kina ozolele. Lomba kimana twasonga una olenda vuila nluta muna programa yayi ya longokela e Bibila. Kufuta e nzimbu ko.
Jeson Senajonon ku Filipinas kezingilanga. Tala una programa yayi ya longokela e Bibila yansadisila mu kituka se nkundi a Nzambi.
Mario Antúnez, nlongi kakala muna dibundu dimosi. Tala una kasololwela e mvutu za yuvu yantokenesanga mu kuma kia Bibila muna lusansu lwandi luna yo ntu a diambu vo: “Eu tinha mais perguntas do que respostas.”
Tukutakanu ye programa zamfunu. Tuvuidi nkutakani ye buka ya ndinga za sinsu mu nza yawonso. Konso lumingu afwa matu bekutakanenanga muna nkutakani ye buka yayi mu longoka yo sambila Nzambi. Konso mvu tukalanga mpe ye programa zamfunu za longokela e Bibila muna ndinga za sinsu. Muna tukutakanu ye programa zazi zamfunu, mukalanga ye asekodi ana besadisanga afwa matu ana bena vo mpofo. Tuvaikisanga mpe e nkanda mia ngovo mia masono ma mpofo.
Solola e nkutakani ina lukufi ye belo kiaku.
Zaya oma ma lukutakanu lwa mvivu ye lwa zunga lwa konso mvu.
Lungana muna Luyindulu lwa lufwa lwa Yesu, luna vo i lukutakanu lweto lusundidi o mfunu muna konso mvu.
José Luis Ayala ku México kezingilanga. Fwa matu kawutuka, i bosi wakituka diaka mpofo. Tala una kasadisilwa mu kituka se nlongi ambote a Bibila.
a Yave i nkumbu a Nzambi. (Nkunga 83:18) Tala e longi, “Nani i Yave?”
Nanga Oyangalela Mpe Malongi Mama
UNA USADILWANGA E NKAYILU MIENO
Afwa Matu ke Bavilakanua Ko
Tuna ye video mu vioka 100 a ndinga za sinsu! Aweyi tuvaikisilanga zo yo kayanesa zo?
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
