KWAMANANA YINGILA!
Makesa ma Rússia Makotele Muna Nsi a Ucrânia
Muna ola zantete za lumbu kia 24 kia ngonde a Fevelelo ya mvu wa 2022, o makesa ma Rússia makotele muna nsi a Ucrânia, kana una vo e mfumu za tuyalu mu nza yawonso bavangidi mawonso muna kakidila e vita. E vita yayi nkia mfwilu ilenda twasa omu nza yawonso? Muna lumbu yaviokele, António Guterres, wa Nsoneki a Nações Unidas wavovele vo: “Diampasi kikilu mu tala kaka e mpasi bemona o wantu, lufwasu lwa mbanza ye lekwa yankaka, kondwa kwa lutaninu ye vuvu kiasikila muna nsi za Mputu ye muna nza yawonso.”
Landila e Bibila o mambu nze i mama nkia nsasa mena?
Yesu Kristu wasakula mu kuma kia lumbu yambaninu vo: E “zula kitelamena zula, kintinu kitelamena kintinu.” (Matai 24:7) Tanga e longi, “O que prova que estamos vivendo no “tempo do fim”?” kimana womona una Bibila kisongelanga vo e vita zilungisanga dina Yesu kasakula.
O nkanda Lusengomono uyikanga muntu ofongele vana mvalu “wambwaki,” ona ‘okatulanga luvuvamu ova nza.’ (Lusengomono 6:4) Tanga e longi, “Akwa Mvalu Nyá Nki Besunzulanga?” kimana wabakula una ungunza wau ukieseselanga e vita zibwanga o unu.
O nkanda Daniele wasakula vo vekala kitantu vana vena “ntinu a node” ye “ntinu a sude.” (Daniele 11:25-45) Tala e video, Ndungan’a Ungunza—Daniele Kapu kia 11 kimana wazaya e kuma nsi a Rússia ye awana bekunyikamanga balenda yikilwa vo ntinu a node. a
O nkanda Lusengomono uvovelanga mpe “vit’a lumbu kianene kia Nzambi a Mpungu-ngolo.” (Lusengomono 16:14, 16) Kansi, eyayi ke vita ya zula ko nze zina zivangamanga o unu. Tanga e longi, “Nki i Vita ya Armangedo?” kimana wazaya mayingi mu kuma kia vita yayi ibwa kuna sentu.
Ekuma olenda kadila ye vuvu kiasikila kia kusentu?
E Bibila kivovanga vo Nzambi ‘osukisa e vita muna nza yawonso.’ (Nkunga 46:9) Tanga e longi, “Vuvu Kiasikila kia Kusentu” kimana wazaya mayingi mu kuma kia nsilu mia Nzambi mia kusentu.
Yesu walonga alongoki andi balombanga muna sambu vo e Kintinu kia Nzambi kiza. (Matai 6:9, 10) E Kintinu kiaki i luyalu lwa zulu lulungisa luzolo lwa Nzambi ova ntoto. Vana ntandu a mambu mayingi kilungisa, e Kintinu kia Nzambi kitwasa mpe luvuvamu omu nza yawonso. Muna zaya diaka una Kintinu kilenda kutwasila e nluta, tala e video, Nki i Kintinu kia Nzambi?
Kuna nsi a Ucrânia kuna ye 129,000 ma Mbangi za Yave. Nze i Mbangi za Yave muna nsi zankaka, oyau mbandu a Yesu belandanga, ke bekuyisanga mu mambu ma mbumba ko, ngatu tambulwila nua e vita. (Yoane 18:36) Muna nza yawonso, Mbangi za Yave bekwamananga samuna e nsngu “zambote za Kintinu” eki kisukisa e mpasi zawonso za wantu, kumosi ye vita. (Matai 24:14) Tulombele wavava Mbangi za Yave muna zaya mayingi mu kuma kia nsangu za Bibila ezi zivananga e vuvu.
a Para uma explicação detalhada dessa profecia, veja os artigos “‘O Ntinu a Node’ mu Lumbu Yambaninu” e “Nani i ‘Ntinu a Node’ o Unu?”.
Nanga Oyangalela Mpe Malongi Mama
KWAMANANA YINGILA!
Wokela kwa Mintayila mia Vita kuna Ucrânia—E Bibila Adieyi Kivovanga
E Bibila kisonganga e kuma yakieleka ya diambu diadi ye mpila dimanina emvimba.
ESSENTIAL BIBLE TEACHINGS
Nki i Kintinu kia Nzambi?
Muna salu kiandi kia umbangi, Yesu watoma vovela oma ma Kintinu kia Nzambi ke mu mambu mankaka ko. Tuka kolo, alongoki andi besambanga kimana e Kintinu kiza.
