Kina kia 24 kia Mayu ya mvu wa 2022, sumbula kiampwena kiabwidi muna mbanz’a Uvalde, mbanza yakete muna mvivu a Texas, Estados Unidos. Landila e zulunalu The New York Times, “muntu mosi yo nkele andi wavondele aleke 19 ye alongi wole . . . muna Sikola ya Robb ya Kamba Kiantete.”

 Diankenda kikilu vo, e vangu diadi dia nsoki ditoma vangamanga. E zulunalu USA Today yavovele vo kuna Estados Unidos kaka, “muna mvu waviokele, e vangu diadi dia nonga wantu ye nkele muna sikola, nkumbu 249 diavangamene. O lutangu lwalu lusundidi konso mvu tuka muna mvu wa 1970.”

 Ekuma e vangu diadi dia nsoki divangamenanga? Aweyi tulenda zizidila mpasi za nsoki wau? Nga vena ye vuvu vo o nsoki usinga manisa? E Bibila kivananga e mvutu za yuvu yayi.

•    E Bibila kiyikilanga e lumbu yeto vo “lumbu yambaninu” mûna wantu ayingi bekala “minkondwa nzol’a ungudi” ye “akwa nganzi” ana besakisa mavangu ma nsoki ye umpumbulu. Awana bevanganga mambu mama, “besakisa vanga o bi.” (2 Timoteo 3:1-5, 13) Muna zaya diaka mayingi, tanga e longi dina yo ntu a diambu vo: “Será que a Bíblia já falava como as pessoas iriam pensar e agir hoje?”

 Wantu ayingi beyuvulanga vo: ‘Ekuma Nzambi kalembi kakidilanga mavangu ma nsoki, nze i nonga aleke ye nkele muna sikola?’ Muna zaya e mvutu za Bibila muna kiuvu kiaki, tanga e longi dina yo ntu a diambu vo: “Ekuma Mambu Mambi Mebwilanga Wantu Ambote?”

•    “Kadi mawonso mateka sonekwa, masonekwa muna kutulonga, kimana muna luzindalalu lweto ye muna lufiaulwisu lwa Sono, twakala ye vuvu.”—Roma 15:4.

 E nkanikinu mia Bibila milenda kusadisa mu zizidila mambu mebwanga mu nza yayi ya nsoki. Muna zaya diaka mayingi, tala e Sikama! dina yo ntu a diambu vo: “A violência vai acabar algum dia?”

 Awana bena vo mase muna sadisa wan’au bazizidila e nsangu zivumisanga, balenda tanga e longi dina yo ntu a diambu vo: “O impacto das notícias em seus filhos.”

•    “Okubakûla muna lubangamu ye nsoki.”—Nkunga 72:14.

•    “Oyau bekitula e nsosolo miau se nsengo. O madionga mau se zengelwa ya titi. E zula ke kizangula nsosolo ko mu nuanisa zula kiankaka. Ke belongoka diaka nuana vita ko.”—Mika 4:3.

 Nzambi ovanga mana wantu ke belendanga vanga ko. E Kintinu kiandi kia zulu kisukisa nuaninua yawonso ye nsoki. Muna zaya mayingi mevanga e Kintinu kia Nzambi, tanga e longi dina yo ntu a diambu vo: “O Reino de Deus vai trazer ‘abundância de paz.’”